नरेन्द्र ढकाल/गोरखा
भाद्र ८ गते । जिल्ला सदरमुकामका अधिकाशं मासुपसल दर्ता बिनै सञ्चालनमा रहेको पाइएको छ । गोरखा नगरपालिकाले बिहीबार गरेको अनुगमनका क्रममा आयुर्वेदिक चोक देखि हरमटारी, अस्पताल मार्ग हुँदै ठूलो आँगन सम्मका ८ वटा मासुपसल बिना इजाजत सञ्चालनमा रहेको भेटिएको हो । ‘हामीेले हेरेका मध्ये धेरै पसल दर्ता नगरी खोलिएको रहेछ’ गोरखा नगरपालिकाका प्रशासकिय अधिकृत भीमसेन श्रेष्ठले भने ‘दर्ता भएका पनि कतिपय नगरपालिकामा दर्ता भएका रहेनछन् ।’ १७ वटा मासुपसलमा अनुगमन गरिएकोमा ६ वटा पसल मात्र गोरखा नगरपालिकामा दर्ता भएको अनुगमन टोलीले जनाएको छ ।

व्यवसाय दर्ता नगरी मासुपसल सञ्चालन गरेकाहरुलाई आवश्यक कागजात पेश गरी १५ दिन भित्र सम्र्पक गर्न निर्देशन दिइएको छ । ‘उहाँहरुलाई दर्ता प्रक्रियामा आउन अनुरोध गरेका छौ’ उनले भने ‘एक पटकलाई मौका हो यो अयन्था नगरपालिकाले कानून अनुसार कारवाही अगाडी बढाउँछ ।’ गोरखा नगरपालिकाका प्रशासकिय अधिकृत एवं अनुमन समितिका संयोजक श्रेष्ठको नेतृत्वमा पशुशाखाका पशु चिकित्सक इन्द्र भट्ट, नेपाल प्रहरी, गोरखा उद्योग वाणिज्य संघका प्रतिनिधि टोलीले गरेको अनुगमनका क्रममा अधिकाशं मासु पसलले न्यूनतम मापदण्ड पनि पुरा नगरेको भेटिएको छ । ‘पसल एकदमै फोहोर पाइयो, पानी त्यस्तै फोहोर प्रयोग गरिएको छ’ पशुचिकित्सक भट्टले भने ‘कतिपय स्थानमा त जिउँदो कुखुरा पनि सँगै राखिएको रहेछ ।’ अनुगमनका क्रम ३ वटा पसलले तरकारी, किराना लगायत अन्य सामाग्रीसँगै मासु पसल सञ्चालन गरेको भेटिएको छ ।

अन्य सामाग्रीसँग मासु बेच्न नपाउने कानूनी प्रावधान भएपनि किराना तथा तरकारी पसलले खुलेयाम कुखराको मासु बेचेका छन् । ‘हामीले एकपटकलाई सजग गराएका छौं’ भट्टले भने ‘अर्को पटक जाँदा पनि त्यस्तै अबस्था भए कारवाही प्रक्रिया अगाडी बढ्छ ।’ अधिकाश पसलले टायल लगाएको, डि फ्रिज राखेको पाइए पनि मासु बाहिरै राखेर बेच्दै गरेको भेटिएपछि उनीहरुलाई पनि सजग गराईको छ ।

गोरखा सदरमुकामका अधिकाशं मासु पसल मापदण्ड पुरा नगरी सञ्चालनमा रहेको भनि बारम्बार चर्चा भएपनि नगरपालिकाले व्यवस्थित गर्न सकेको छैन । जनप्रतिनिधि आएसँगै अनुगमनको कार्यक्रमलाई जोड दिएको नगरपालिकाले अब पनि अटेर गर्नेलाई कानून अनुसार कारवाही गर्ने तयारी गरेको छ । जिल्ला सदरमुकाममा एउटा पनि व्यवस्थित बधशाला छैन । केही कुखुराको मासु बिक्रेताहरुले बधशाला व्यवस्थित बनाउने प्रयास गरेपनि प्रयाप्त छैन् । अहिले पनि अधिकाशं मासुपसलले खुल्ला रुपमा मासु राखेर बच्दै आइरहेका छन् ।

डि फ्रिजको प्रयोग निकै कमले मात्र प्रयोग गरेको पाइन्छ । ‘यसपटक हामीले गुणस्तर भन्दा करको दायरामा ल्याउने प्रयत्न गरेका छौ’ नगरपालिकाका प्रशासकिय अधिकृत श्रेष्ठले भने ‘बिस्तारै गुणस्तरका कुरालाई पनि कडाई गदै लैजाने योजना छ ।’ नगरपालिकाले अनुमनलाई तिब्रता दिए पनि नगरबासी भने अझै आश्वस्त हुन सकेका छैनन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए