गोरखा समाचारदाता
छिमेकी जिल्ला चितवनको छिमेकी गाउँपालिका इच्छाकामनाले पहिलो इच्छाकामना महोत्सव गर्ने भएको छ । वडा नं ४ कुरिनटारमा यही भदौ २६ गतेवाट प्रथम इच्छाकामना महोत्सव आयोजना गर्ने तयारी गरिएका मगंलबार पत्रकार सम्मेलन गर्दे आयोजकले जानकारी दिएको हो । उद्योग वाणिज्य संघ मुग्लिन र इच्छाकामना एफ.एमको आयोजना एवम् इच्छाकामना गाउपालिकाको संरक्षकत्वकमा महोत्सव गर्न लागिएको आयोजकले बताएको छ । असोज ६ गतेसम्म संचालन हुने महोत्सवले इच्छाकामनाको कृषि,पर्यटन,शिक्षा,व्यवसाय आदिको प्रवद्र्धन गर्ने उदेश्य लिइएको इचछाकामना गाउपालिकाका अध्यक्ष गीताकुमारी गुरुङले जानकारी दिइन । इच्छाकामना माइको मन्दिर,लामो झरना,जलविरे झरना,उपरदाङगढी,सिराइचुली,चेपाङ होमस्टे, ¥याफ्टिङ,क्यानोनिन, लगायतका स्थानको पर्यटकीय प्रवद्र्धन हुने कार्यक्रमको समेत आयोजना गरिएको कार्यक्रम संयोजक कृतिकुमार श्रेष्ठले जानकारी दिए ।
हामी सवै चाहना,सम्वृद्ध इच्छाकामना भन्ने नाराका साथ शुरु गर्न लागिएको महोत्सवमा १ लाख दर्शकलले अवलोकन गर्ने र १ करोड वढीको आर्थिक कारोवार हुने सहसंयोजक एवम् इच्छाकामना एफ.एमका अध्यक्ष प्रताप गुरुङले जानकारी दिए । मनकामना र अन्य धामिर्क पर्यटकीय स्थलहरुलाई कसरी जोड्न सकिन्छ भन्ने विषयमा गोष्ठी समेत आयोजना हुने सो अवसरमा जानकारी दिइएको थियो ।उद्योग वाणिज्य संघ मुग्लिनका अध्यक्ष कल्याण गुभाजुले पहिलो पटक आयोजना हुन लागेको महोत्सवले समग्र इच्छाकामनाको पर्यटनकीय र व्यवसायीक दुवै प्रवद्र्धनमा निकै ठूलो भूमिका खेल्ने वताउनुभयो । पत्रकार सम्मेलनमा चितवन,धादिङ र गोर्खका पत्रकारहरु सहभागि भएका थिए ।
