गोरखा समाचारदाता
सिद्धि गणेश बचत तथा ऋण सहकारी संस्था लि.ले गत आर्थिक बर्षमा २४ लाख भन्दा बढि नाफा कमाएको छ । गोरखा नगरपालिका ६ हरमटारीमा रहेको संस्थाले आर्थिक बर्ष २०७४÷०७५ मा २४ लाख १७ हजार १ सय ७ रुपैयाँ खुद मुनाफा भएको जनाएको छ । ९ सय ११ शेयर सदस्य रहेको संस्थाले कुल मुनाफा भएको ५० प्रतिशत रकम शेयर सदस्यहरुलाइ बाड्ने बताएको छ ।
आईतबार सदरमुकाममा पत्रकार सम्मेलन गर्दै संस्थाका अध्यक्ष अच्युतलाल श्रेष्ठले संस्थाको कुल पुँजी २ करोड ९५ लाख ७ हजार ८ सय रहेको बताएका छन् । त्यस्तै कुल सम्पत्ती १३ करोड ८७ लाख ३१ हजार ३६ रुपैया, लगानी ८ करोड ९० लाख १९ हजार ८ सय रहेको उनले सार्वजानिक गरेको प्रतिबेदनमा उल्लेख छ ।
त्यस्तै संस्थाको हाल सम्मको बचत १० करोड ७३ लाख ५८ हजार रहेको अध्यक्ष श्रेष्ठले बताएका छन् । संस्थाले यसैबर्ष देखि इ बैकिङ्ग र मोवाइल एप्स सुविधा बाट घरमै बसेर कारोवार गर्न मिल्ने सेवा पनि संचालनमा ल्याएको छ । आगामी दिनमा एटिएम र एसएमएस सेवा समेत प्रदान गर्ने लक्ष्य राखेको जनाएको छ । त्यस्तै संस्थाले आगामी भदौदेखि एक्सटेन्शन काउण्टर समेत संचालन गर्ने तयारी गरेको बताएको छ ।
संस्थाले बचत बिस्तार गर्ने, रेमिट्यान्स सेवा प्रभावकारी बनाउने र लघु उद्यमीलाई कर्जा प्रदान गर्ने त्यस्तै कृषि, पर्यटन र घरेलु उद्योगमा १ करोड लगानी गर्ने योजना रहेको बताउदै अध्यक्ष श्रेष्ठले पत्रकार सम्मेलनमा बताए । त्यस्तै संस्थाले शुक्रबार आठौ बार्षिक साधारणसभा सम्पन्न गरेको छ । संस्थाका अध्यक्ष श्रेष्ठको अध्यक्षता गोरखा नगरपालिकाका मेयर राजनराज पन्तको प्रमुख अतिथ्यता रहेको थियो ।
कार्यक्रममा लेखा सुपरीवेक्षण समितिका संयोजक कृष्ण कुमार श्रेष्ठले मन्तव्य राखेका थिए । कार्यक्रममा संस्थाका सचिव काजीराम श्रेष्ठले प्रगति प्रतिवेदन र कोषाध्यक्ष शरद बाबु कट्टेलले आर्थिक प्रतिवेदन प्रस्तुत गरेका थिए ।
