गोरखा समाचारदाता
धार्चे गाउँपालिका वडा नम्बर ६ काशी गाउँकी काली गुरुङ्ग र उनकी छोरी मिन कुमारीलाई बोक्सी आरोप लगाउने रोशन गुरुङ्ग पक्राउ परेका छन् । उनलाई प्रहरीले आरुघाट गाँउपालिकाको मान्बुबाट नियन्त्रणमा लिएको जिल्ला प्रहरी कार्यालय गोरखाले जनाएको छ ।
साउन १० गते काशीगाउँकै भीमकुमार गुरुङ्गको मृत्यु हुदा काली र उनकी छोरीलाई रोशनले आरोप लगाएका थिए । भीम कुमारको बोक्सीका कारण मृत्यु भएको भन्दै उनको पेटमा सर्प, भ्यागुत्ता लगायतका जिव रहेको भन्दै चिहान डाँडाँमै रोशनले शव काटेका थिए । त्यस पश्चात काली र उनको परिवारलाई गाँउलेले सामाजिक बहिस्कार गर्नुका साथै कुटपिट समेत गरेपछि रोशनलाई कारबाहीको मागगर्दै प्रहरीमा उजुरी दर्ता भएको थियो ।
उजुरी पर्ना साथ रोशनलाई पक्राउ गर्न काशीगाँउ गएको प्रहरी टोलीमाथी समेत गाँउलेले दुब्र्यवहार गरी आक्रमणमा उत्रेका थिए । घटनामा प्रहरी सहित जन प्रतिनिधी र पिडित परिवारलाई समेत आक्रमण भएको थियो । त्यस पछि काली गुरुङ्गको परिवार बिस्थापित भइ सदरमुकाम आएको थियो ।
रोशनलाई पक्राउ गर्न नदिने अडान राखे पछि गत आइतबार प्रहरी काशी गाउँबाट रित्तो हात फर्केको थियो । आरुघाट प्रहरी चौकी बाटै घटनाको अनुसन्धान गर्ने भन्दै फर्केको प्रहरी टोलीले अन्तत उजुरी परेको हप्ता दिन पछि रोशनलाई पक्राउ गर्न सफल भएको छ । ‘हामीले मान्बुबाट रोशनलाई पक्राउ गरी सदरमुकाम ल्याइसकेका छौ’ एसपी बिमल बस्नेतले भने ‘बोक्सी आरोप लगाइयो भनेर रोशनको नाममा किटानी जाहेरी छ, म्यादथप गरेर अनुसन्धानगर्दैछौ ।’

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए