मोहसिन अलि मियाँ/गोरखा
साउन २४ गते । नगर क्षेत्रभित्र अवैद्य गिट्टी, वालुवा, ढुंगा उत्खनन गर्ने सवारी साधनलाई गोरखा नगरपालिकाले कारबाही थालेको छ । यस अघि त्यस्ता सवारी साधनलाई जिल्ला समन्वय समितीको कार्यालयले गर्ने गरेको कारबाही अब भने नगरपालिका आफैले गर्ने भएको हो । ‘नगर क्षेत्र भित्र हुने अवैद्य प्राकृतिक दोहनलाई अब हामी बन्देज लगाउछौ, अवैद्य उत्खनन गर्ने सवारी साधनलाई हामी आफै कारबाही गर्छौ’ नगरप्रमुख राजनराज पन्तले भने ‘यस अघि जिससले जरिवाना लिन्थ्यो अबदेखि हामी आफै लिन्छौ ।’
यस आर्थिक बर्षबाट जिल्ला समन्वय समिती मातहतमा कुनै पनि आर्थिक अधिकार नरहने भएसंगै त्यस्ता सवारी साधनलाई स्थानीय तहले नै कारबाही गर्ने भएको हो । नगरभित्र अवैद्य रुपले उत्खननमा संलग्न भइ पक्राउ परेका सवारी साधनको प्रकृति हेरेर नगरपालिकाले नै जरिवाना असुल्ने काम सुरु भएको बताएको छ । ‘अब जिससले कुनै पनि आर्थिक कारोबार नगर्ने भएपछि जुन स्थानीय तहको क्षेत्रभित्रको हो त्यसैलाई जिम्मा लगाउने भन्ने एक किसिमको समझदारी बनेको छ’ नगरप्रमुख पन्तले भने ‘सवारी साधनको प्रकृति हेरेर जरीवना लिन्छौ ।’
यस अघि जिल्ला समन्वय समितीले बन्देज गरेपनि बिभिन्न समयमा कार्यालयलाई झुक्याउदै नदिजन्य पदार्थको अवैद्य उत्खनन हुदै आएको थियो । तर अब भने नगरक्षेत्रभित्र अवैद्य सामाग्री निमाल्ने सवारी साधनलाई प्रहरीले नियन्त्रणमा लिएर नगरपालिकालाई बुझाउने भएको छ । ‘अहिलेसम्म प्रहरीले जिससलाई बुझाउनु हुन्थ्यो, अब हामीलाई बुझाउनुहुन्छ’ उनले भने ‘अवैद्य भनिएका सामाग्री निकाल्ने अनि बाटोमा पानी चुहाउदै हिड्ने जस्ता सवारीलाई हामी आफै कारबाही गछौ ।’
तर नगरपालिकाले हालसम्म जरिवाना भने तोकेको छैन । यस अघि जिल्ला समन्वय समितीले बनाएको दरलाई नै हालका लागि नगरपालिकाले कायम राखेको जनाएको छ । ‘जरिवानाको दर हामीले चाहि तोकेका छैन, तर जिससको कार्यालयले यसअघि तोकेको दरलाई नै मान्यता दिएर त्यसै अनुसार जरिवाना काट्न सुरु गरिसकेका छौ ।’
जिससले यस अघि नदि जन्य पदार्थहरुको अवैद्य उत्खनन गर्ने जेसिवी एक्साभेटरसंग ४० हजार, टिपरसंग ३० हजार र ट्याक्टरसंग २० हजार जारिवाना लिने निर्णय गरेको थियो । त्यस्तै सडकमा पानी चुहाउने सवारीलाई ५ हजार भन्दा माथी जरिवाना तोकिएको थियो । यसैबिच बुधबार गोरखा नगरपालिका १२ नौकिलो स्थित दरौदी नदिमा अवैद्य वालुवा उत्खनन गर्ने ग १ त ४४९२ नम्बरको ट्याक्टर प्रहरीले नियन्त्रणमा लिएको छ । जिल्ला प्रहरी कार्यालय गोरखाबाट खटिएको टोलीले नियन्त्रणमा लिएको सो ट्याक्टरलाई नगरपालिकाले २० हजार जरिवाना गरेको जनाएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए