गोरखा समाचारदाता
साउन २१ गते । गोरखा सदरमुकामको हस्पीटल चोक देखि गैह्रीचौतारासम्मको सडक खण्डको स्तरोन्नतीको माग गर्दै त्यहाँका स्थानियबासीले गोरखा नगरपालिका र जिल्ला प्रसासन कार्यालयमा ज्ञापन पत्र बुझाएका छन् । आर्दश नगर टोल बिकास संस्था र बगरकुवाँ बराह टोल बिकास संस्थाको अगुवाइमा नगरपालिका र जिल्ला प्रसासन कार्यालयमा पुगेर उनीहरुले सडक मर्मत तथा स्तरोन्नतीको माग गरेका हुन् ।

ज्ञापनपत्रमा उनिहरुले उक्त सडकखण्डमा मालबाहक सवारी साधन अत्याधिक मात्र गुड्ने गरेको र दिनानुदिन जिर्ण बन्दै गइरहेको सो क्षेत्रमा दुर्घटनाको जोखिम बढेको भन्दै स्तरोन्नती गर्न माग गरेका छन् । त्यस क्षेत्रको अधिंकास स्थानमा सडक साधुरो भएकाले दोहोरो सवारी साधन चल्ल समस्या भएको, पैदलयात्रीहरुलाई समेत हिडडुल गर्दा जोखिम बढेको ज्ञापन पत्रमा उल्लेख छ ।

त्यस्तै सडकमा अत्याधिक खाल्डाखुल्टी परेकाले सडक हिलाम्मे भएर वारपार सम्म गर्न सक्ने अबस्था नभएको यथासक्य छिटो सडक मर्मतका लागि नगरपालिकासंग माग गरिएको स्थानिय बिनोद अर्यालले बताउनुभयो । सडकमा जताजतै खाल्डाखुल्डी परेपछि सवारी साधन आवातजावत गर्दा खानेपानीका पाइप, ढल तथा नालाहरु समेत बिग्रिएकाले त्यहाँका जनताले हैरानी खेप्नु परेको उहाँले बताउनुभयो ।

आफुहरुले यसअघि पनि पटक–पटक बाटो मर्मत तथा स्तरोन्नतीका लागि नगरपालिका सग माग गरेको भन्दै नगरापालिकाले कुनै सुनुवाई नगरेको स्थानिय केशव ढुगाँनाले बताउनुभयो । यस पटक हामीले भदौको १ गते सम्ममा बाटो मर्मतको काम शुरु नगरे सडक नै अबरुद्ध गर्ने चेतावनी दिएका छौ, उहाँले भन्नुभयो नगरपालिकाका कार्यकारी अधिकृतले बर्षा रोकिने बित्तिकै मर्मत शुरु हुन्छ भन्नुभएको छ हामी त्यतिन्जेल सम्म कुर्छौ ।

भदौको पहिलो साता सम्ममा पनि मर्मतको काम शुरु नभए सडक अबरुद्ध गर्नुको कुनै बिकल्प छैन ढुगांनाले भन्नुभयो । त्यस क्षेत्रका करिव ५५ जना स्थानियले हस्ताक्षर गरेको ज्ञापन पत्र आज प्रमुख जिल्ला अधिकारी नारायण प्रसाद भट्टराई र गोरखा नगरपालिकाका कार्यकारी अधिकृत प्रदिपराज अधिकारीलाई बुझाइएको हो । उक्त सडक मर्मतका लागि गोरखा नगरपालिकाले बर्खा अघि नै ठेक्का लगाई सकेको भएपनि अझै सम्म काम शुरु भएको छैन ।

यता गोरखा नगरपालिका गोरखाका कार्यकारी प्रमुख प्रदिपराज अधिकारीले भने नगरपालिकाले उक्त सडक मर्मतका लागि ६० लाख रकम बिनियोजन गरी ठेक्का लगाइएको बताउन भएको छ । उहाँले अहिले बर्खाका बेला भएकाले काम नभएको भन्दै बर्खा रोकिने बित्तिकै काम शुरु हुने दावी गर्नुभयो । उहाँले भन्नुभयो “ यो क्रमागत योजना हो ठेकेदार सम्र्पकमा छ, प्राबिधिकहरुले सल्लाह अनुसार पानी परेका बेला मर्मत गर्नु उपयुक्त नहुने भएकाले रोकिएको पानी पर्न रोकिने बित्तिकै काम शुरु हुन्छ । ” कार्यकारी अधिकृत अधिकारीले ठेक्का सम्झौता कात्तिक सम्म भएकाले पनि काम हुनेमा ढुक्क हुन आग्रह गर्नुभयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए