गोरखा समाचारदाता
साउन १७ गते । गोरखा क्षेत्र नम्बर २ को प्रमुख व्यापारी नाका रुपमा विकास हुँदै गरेको छेवटारमा प्रहरी चौकी आवश्यक परेको भन्दै स्थानीय आफै भवन तयार गरिदिएका छन् । केही समय यता उक्त क्षेत्रमा अपराधिक क्रियाकलाप बढेको भन्दै गोरखा नगरपालिका वडा नम्बर १० छेवेटारका स्थानीयले जिल्ला प्रशासनसँग प्रहरी चौकी माग गरेका थिए । प्रहरीका लागि तत्काल बस्ने ठाउँको प्रबन्ध गरे चौकी राख्न सकिने प्रशासनको आश्वासन पछि स्थानीयले पुरानो गाविस भवनमा मर्मत गरी प्रहरी बस्ने ठाउँ तयार गरिदिएका हुन् ।
‘यस क्षेत्रमा विभिन्न अपराधिक क्रियाकलाप बढ्न थाल्यो हामीलाई प्रहरी चौकीको अत्यान्त आवश्यकता महसुश भयो’ प्रहरी चौकी मर्मत तथा व्यवस्थापन समितिका कोसाध्यक्ष कमलनारायण श्रेष्ठले भने । प्रहरी चौकी माग गरेका स्थानीयले बस्ने ठाउँको प्रबन्ध गरिदिए चौकी राख्न सकिने प्रशासनले जवाफ दिएको थियो । सोही अनुरुप स्थानीय कै सक्रियतामा पुरानो भवन मर्मत गरी प्रहरी चौकीका लागि तयारी गरिएको हो ।
‘यहाँ सार्वजानिक भवन यसै अलपत्र थियो, पञ्चायतकाल देखिको भवन भएकाले जिर्ण पनि थियो हामीले सहयोग संकलन गरी मर्मत गरेका हौं’ उनले भने । धेरै समय पहिले बनेको प्रशासनिक भवन भुकम्पले झनै जिर्ण बनाएको थियो ।
स्थानीयले स्वच्छिक रुपमा संकलन गरेको करिब १ लाख लागत र केही निर्माण सामाग्री समेत सहयोग लिएर भवन निर्माण गरिएको हो । पछिल्लो समय सरकारी तथा गैर सरकारी सहयोग बिना कुनै पनि सामाजिक काम नगर्ने संस्कार बिकास भईरहेका बेला छेवेटारका स्थानीय नमूना काम गरेर सबैलाई चकित बनाइदिएका
छन् । ‘सानो कामका लागि पनि अरुको मुख किन ताक्ने भनेर हामीले जो सकेको काम गरेका हौ’ समितिका कोसाध्यक्ष श्रेष्ठले भने ‘सबैले जो सकेको दिनुभएको छ, कतिपय निर्माण सामाग्रीका व्यवसायी साथीहरुले सामाग्री पनि सहयोग गर्नुभएको छ ।’ स्थानीयले भवन निर्माण गरे सँगै गोरखा क्षेत्र नम्बर २ प्रवेशको प्रमुख नाको रुपमा बिकास भइरहेको छेवेटारमा प्रहरी चौकी स्थापना हुने भएको छ । ‘त्यहाँ प्रहरी चौकी आवश्यक छ भनेर स्थानीयले अनुरोध गर्नुभयो, अहिले हामीलाई बस्ने ठाउँको समेत प्रबन्ध गरिदिनुभएको छ’ जिल्ला प्रहरी कार्यालयका प्रमुख बिमल बस्नेतले भने ।
झण्डै ४ किलोमिटरको दुरीमा १२ किलोमा प्रहरी चौकी भएपनि छेवेटारमा बढेको आबाधी र भए गरेका घटनालाई आधार बनाएर प्रहरी चौकी राख्ने तयारी गरिएको छ । ‘सिडिओ साप र म गएर उक्त भवन हेरिसकेका छौ सम्ववत केही दिनमा हाम्रो टोली त्यहाँ जाने छ’ उनले भने ।
छेवेटारमा प्रहरी चौकी राखिएसँगै सो क्षेत्रमा हुने आपराधिक कृयाकलाप नियन्त्रणमा सहयोग पुग्ने प्रहरीले विश्वास लिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए