गोरखा समाचारदाता
साउन १७ गते । आगामी साउन २० गते हुने जिल्ला सभाको तयारी अन्तिम चरणमा पुगेको जिल्ला समन्वय समितिले जानकारी दिएको छ ।
सभाका लागि आवश्यक प्रतिवेदनहरु सबै तयार भइसेको, पत्रचार र आवश्यक सामाग्रीहरुको प्रवन्ध समेत गरिसकिएको जिल्ला समन्वय समितिका प्रवक्ता मानप्रसाद धितालले जानकारी दिए । ‘हामी अन्तिम तयारीमा जुटिरहेका छौं, अब लगभग सबै तयारी सकिएको छ’ उनले भने । सभा पेश गर्ने प्रतिवेदनका मस्यादौहरु रुजु गर्ने, छलफलमा पेश गर्ने प्रस्ताव तथा ऐन कानूनका बारेमा पनि अहिले जिससले आन्तरिक रुपमा तयारी गरिरहेको उनले बताए ।
स्थानीय निर्वाचन पछिको दोश्रो जिल्ला सभा आगामी साउन २० गते हुँदैछ । जिल्ला सभामा राष्ट्रिय सभाका प्रमुख प्रतिपक्षी दलका नेता सुरेन्द्र राज पाण्डे, गण्डकी प्रदेशका मन्त्रिहरु रामशरण बस्नेत, लेख बहादुर थापा सहित प्रतिनिधि, राष्टिूयसभा र प्रदेश सभा सदस्यहरु समेत सहभागी हुने कार्यक्रम छ ।
