गोरखा समाचारदाता
साउन १४ गते । नेपाल कम्युनिष्ट पार्टी सिरानचोक गाउपालिकाले छोप्राकमा आज कार्यालय स्थापना गरेको छ । सिरानचोक गाउँपालिका वडा नम्बर ५ छोप्राकमा आइतबार एक कार्यक्रमको आयोजना गरी कार्यालयको उद्घाटन गरिएको नेपाल कम्युनिष्ट पार्टीका सिरानचोक गाउँपालिकाले जनाएको छ । कार्यालयको उद्घाटन कार्यक्रममा बोल्दै सो पार्टीका युवा नेता नवराज पुडासैनीले जनताको काममा आबश्यक सहयोग पु¥याउन तथा स्थानिय सरकारको काममा सहयोग गर्न कार्यालय स्थापना गरिएको बताएका छन् । उनले कार्यलय स्थापना भएसगै गाउँपालिकाले गर्ने बिभिन्न बिकास निर्माणमा तथा निति निर्माणका काममा पार्टीको तर्फबाट समन्यव र निगरानी गर्न सजिलो हुने बताएका छन् ।
त्यस्तै पार्टी एकताको कामलाई गाउँपालिका, वडा, टोल र प्रारम्भिक तहसम्म व्यवस्थित बनाउनका लागि पनि कार्यालय स्थापना गर्नुपरेको नेता पुडासैनीको भनाई छ । कार्यालयको सहिद परिवार नेत्र कुमारी श्रेष्ठले उद्घाटन गरेकी हुन् । उद्घाटन कार्यक्रममा बुद्धिजिवी ज्ञानेन्द्र पोखरेल, गंगा कुमार चन्द्र पोखरेल, इश्वर गुरुङ लगायतले शुभकामना व्यक्त गरेका थिए । कार्यक्रम नेपाल कम्युनष्टि पार्टीका नेता शितलचन्द्र पोखरेलको अध्यक्षतामा सम्पन्न भएको हो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए