गोरखा समाचारदाता
साउन १४ गते । फलफुल तथा तरकारी खेतीमा बिभिन्न खालका रोग लागेर हैरानी भइरहेका बेला वडा कार्यालयले बिषादी छर्ने उपकरण दिएपछि गोरखा नगरपालिका वडा नम्बर ११ की कृषक सानुमाया श्रेष्ठ खुशी भएकी छिन् । वडाको कृषक सहयोग कार्यक्रम अन्र्तगत आफ्नो वडा भित्रका २२ ओटै टोलका किसानलाई आइतबार एक कार्यक्रमको आयोजना गरी बिषादी छर्ने हाते पम्प बितरण गरेको हो । व्यवसायिक भन्दा पनि घरासयी उपभोगका लागि करेसाबारीमा लगाइने तरकारीबालीमा रोग नियन्त्रणका लागि बिषादी छर्न उपकरणले सजिलो हुने उनले बताएकी छिन् । ‘अब वडा कार्यालयले टोलै पिच्छे पम्प उपलब्ध गराएपछि औषधी छर्न सजिलो हुने भएको छ, यसले तरकारी खेती गर्न हामीलाई सजिलो हुने भया’ श्रेष्ठले भनिन् ।
कार्यालयले बितरण गरेको हाते पम्मले धानखेतमा समेत बिषादी औषधी छर्नका लागि सजिलो हुने उनको भनाई छ । बिषादी छर्ने हातेपम्म पाएपछि अब आफ्नो टोलका सवैलाई सजिलो भएको बताउछन् अर्का किसान प्रेम बहादुर थापा । ‘ हामीलाई बिषादी छर्न समस्या हुदै आएको थियो वडा कार्यालयले नै सवैलाई यसरी उपकरण उपलब्ध गराउनु खुशीको कुरा होे ।’ थापाले भने ‘अब उपकरण जतन गरेर राख्छौ हामी हाम्रो टोलका सवै कृषकहरु मिलेर यसको भरपुर उपयोग गछौ’ ।
गोरखा नगरपालिका वडा नम्बर ११ ले वडा भित्रका बिभिन्न २२ टोलका कृषकहरुलाई सामुहिक रुपमा प्रयोग गर्ने गरी आइतबार हाते बिषादी छर्ने पम्म बितरण गरेको हो । कृषकहरुलाई बिषादी छर्ने उपकरण संगै बिषादी छर्दा प्रयोग गर्ने सुरक्षित ज्याकेट, माक्र्स लगायतका सामाग्री समेत प्रदान गरिएको वडा कार्यालयले जनाएको छ । उक्त उपकरणको मूल्य प्रति गोटा ३ हजार रुपैया पर्ने कार्यालयको भनाई छ । त्यस्तै वडा कार्यालयले स्थानिय नुमना बाख्रा फार्मलाई ६५ हजार रुपैया बराबरको घास टुक्राउने मेसिन समेत प्रदान गरेको कार्यालयले जनाएको छ । वडा कार्यालयले किसानहरुलाई कृषि खेतीमा हौसला प्रदान गर्न यस्ता खालका सहयोग कार्यक्रम ल्याइएको वडाध्यक्ष राम बहादुर खड्काको भनाई छ । सामाग्री बितरण कार्यक्रममा बोल्दै उनले वडा कार्यालयले कृषिमा आत्मानिर्भर बनाउने गरी सामुहिक खेती प्रणालीलाई जोड दिदै आएको बताएका छन् । किसानहरुलाई परेका समस्या समाधानका लागी आफु प्रतिबद्ध रहेको भन्दै बितरण गरिएका उपकरणहरुको मिलेर प्रयोग गर्न सवैलाई उनले आग्रह समेत गरेका छन् । कार्यक्रममा वडा नम्बर ११ का ६० भन्दा बढि कृषकहरुको सहभागिता रहको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए