गोरखा समाचारदाता
धार्चे गाउँपालिकाका अध्यक्ष सन्तबहादुर गुरुङ माथि हमलाको प्रयास भएको छ । लाप्राकको ठुलो आँगनमा साउने सक्रान्ती विशेष कार्यक्रम मनाइरहेका बेला उक्त कार्यक्रमका प्रमुख अतिथि गुरुङ माथि बुधबार आक्रमण भएको हो ।
हिमचुली सामुदायिक सास्कृतिक संग्रालयले कार्यक्रम गरिरहेका बेला स्थानीय धन बहादुर गुरुङको समूहले कार्यक्रम भाड्ने उदेश्यले एक्कासी मञ्चमा ढुङ्गा मुढा प्रहार गरेको गाउँपालिका अध्यक्ष सन्तबहादुर गुरुङले बताए । एक गैरसरकारी सस्थाले बनाएको खानेपानी आयोजनामा काम गरे बापत उनीहरुले पाउनुपर्ने भुक्तानी नपाएको भन्दै, पैसा दिलाउन नसक्ने अध्यक्ष काम छैन भनि, उनीहरुले ढुंगा मुढा प्रहार गरेका थिए ।
एक्कासी उक्त समूहले आक्रमण गरेपछि आयोजकले छेकेर प्रमुख अतिथि गुरुङलाई बचाएको थियो । सोही क्रममा आक्रमणकारीले हानेको ढुङ्गाले लागेर स्थानीय युवा राम गुरुङ घाइते भएका छन् । धनबहादुरको समूहले लाप्राककी दलित महिला सदस्य सुकमायाँ सुनारलाई हातपात गरी फोटो खिच्दै गरेको मोबाइल समेत फुटाइदिएका छन् ।
घटना भए लगतै बारपाक प्रहरी चौकीमा उजुरी दिएको तर प्रहरीले अहिले सम्म उनीहरुलाई प्रकाउ गर्न नसकेको जिल्ला सदरमुकाम आइपुगेका गाउँपालिका अध्यक्ष गुरुङले जानकारी दिए ।
