नरेन्द्र ढकाल/गोरखा
असार ७ गते । जिल्लामा लागु औषध दुव्र्यसनी बढेको छ । चालु आर्थिक वर्ष ०७४/०७५ को हाल सम्म लागु औषधको ओसारपसार, प्रयोग र बिक्रि वितरणका ९ वटा मुद्दा प्रहरीमा दर्ता भएको छ । उक्त घटनामा १६ जनालाई प्रतिवादी बनाई जिल्ला प्रहरी कार्यालयले जिल्ला अदालत गोरखामा मुद्दा दायर गरेको प्रहरी नायव निरिक्षक मोहन कुमार खड्काले जानकारी दिए । गत आर्थिक वर्ष ०७३/०७४ मा २ वटा मुद्दा प्रहरीमा दर्ता भएको थियो । जसमा संलग्न रहेको आरोपमा प्रहरीले ४ जनालाई जिल्ला अदालत पेश गरेको थियो । आर्थिक वर्ष ०७२/०७३ मा ३ वटा मुद्वामा ११ जना व्यक्तिलाई मुद्दा चलाइएको प्रहरीको भनाई छ । ‘तिन वर्षको तथ्याङ्क हेर्दा लागु औषधका केस बढेर गएका छन्’ प्रहरी नायव निरिक्षक खड्काले भने ‘यस आर्थिक वर्षमा सबै भन्दा बढि देखिएको छ ।
सामान्य प्रयोगको अबस्थामा बाहेक लागु औषधको अबैद्य ओसारपसार र बिक्रिमा संलग्न भएकाको तथ्याङ्कलाई प्रहरीले उपलब्ध गराएको हो । लागु औषधको प्रयोग गरेर अन्य अपराध समेत गराएहरुलाई विभिन्न शिर्षकका मुद्दामा कारवाही चलाइने हुदा यो संख्या अझै धेरै रहेको प्रहरीको भनाई छ । ‘यो चाँही लागु पदार्थ प्रयोग तथा ओसारपसारको यथेस्ट प्रमाण भेटिएका संख्या हो’ प्रहरी नायव निरिक्षक खड्काले भने । सोही अनुरुप लागु औषध दुव्र्यसनी रोक्न जिल्लामा एक साता लामो अभियान सञ्चालन गर्ने तयारी गरिएको छ । गृहमन्त्रालयको निर्देशन अनुसार जिल्ला प्रशासन कार्यालयले बुधबारबाट उक्त अभियान सुरु गरेको छ ।
‘विश्व लागु औषधको अबैध ओसारपसार विरुद्धको दिवश २०१८ को सन्र्दभमा हामीले एउटा अभियान थालनी गरेका छौ’ जिल्ला प्रशासन कार्यालयका सूचना अधिकारी गौतम भण्डारीले भने । १२ गते सम्म अभियान अन्र्तगत विभिन्न कार्यक्रम गर्ने कार्यसूची बनाइएको छ । स्थानीय तहका जनप्रतिनिधिहरुको उपस्थितीमा सचेतनामूलक कार्यक्रम, कारगारका कैदी बन्दीलाई लागु औषध विरुद्धको सचेतना, औषधी व्यवसायी, महिला स्वास्थ्य स्वम्सेविका मार्फत टोलटोलमा सचेतनामूलक कार्यक्रमहरु गर्ने जिल्ला प्रशासनले जानकारी दिएको छ । यसैगरी लागु औषध विरुद्ध पोष्टर पम्पलेट, पर्चा वितरण, शिक्षण सस्थाहरुमा कविता तथा वक्तृत्वकला प्रतियोगिता गर्ने, सडक नाटक, ¥याली लगायतका सचेतना मुलक कार्यक्रम गर्ने पनि प्रशासनको तयारी छ ।
यसैविच बुधबार एक कार्यक्रमका विच अभियानको शुभारम्भ गरिएको छ । कार्यक्रममा सहभागी जिल्लाका सरोकारवालाहरुले लागु औषध दुव्र्यसनी बढेको भन्दै चिन्ता व्यक्त गरेका छन । विश्व लागु औषध दुव्र्यसनी दिवशका सन्र्दभ पारेर जिल्ला प्रशासनले आयोजना गरेको एक कार्यक्रममा बोल्दै जिल्लाका सरोकारवालाहरुले लागु औषधको अवैध ओसापसार र विक्रि वितरण रोक्न विशेष पहल गर्नुपर्ने बताएका छन् । जिल्ला भित्रिने प्रमुख नाका मजुवा देउराली लगायत अन्य नाकाहरुमा कडाई गर्नुका साथ जिल्ला भित्र विभिन्न खालका सचेतना मुलक कार्यक्रम सञ्चालन गर्नुपर्ने उनीको जोड छ । ‘सबैको जोड मजुवा नाकामा विशेष निग्रानी बढाउनु परयो भन्ने सुझाब आएको छ’ सुरक्षा संवेदनशिलतालाई ख्यालगरी प्रशासनले कडाई सुरु गर्छौ । ’
प्रमुख जिल्ला अधिकारी नारायण प्रसाद भट्टराईको अध्यक्षता तथा जिल्ला समन्वय समितिका प्रमुख अशोक कुमार गुरुङको प्रमुख आतिथ्यतामा भएको कार्यक्रममा प्रमुख जिल्ला अधिकारी भट्टराई लागु औषध सम्बन्धी कानुनी प्रावधान, लागु औषध ओसारपसारको अवस्था र जिल्ला प्रहरी कार्यालयका प्रहरी नायव उपरिक्षक भेषराज रिजालले जिल्लामा ३ वर्ष यता दर्ता भएका घटनाको विवरणका बारेमा जानकारी गराउनुभएको थियो । कार्यक्रममा नेपाल कम्युनिष्ट पार्टीका यादब बस्नेत, नेपाली कांग्रेसका नारायण लामीछाने, संघिय समाजबादी फोरमका सुकेदव तमाङ र नयाँ शक्ति पार्टी नेपालका नारायण खत्री, मानव अधिकार सञ्जालका यदु अधिकारी, अधिवक्ता स्थानेश्वर दुवाडी, प्यापसनका अध्यक्ष सिताराम तिवारी लगायतले आ–आफ्नो धारणा राखेका थिए ।
