नरेन्द्र ढकाल/गोरखा
असार १ गते । गोरखामा फेरि प्रदुशित पानी भेटिएको छ । जिल्ला सदरमुकामको मान्बु भेटघाट होटल हरमटारीमा बिक्रिका लागि राखिएको रोयल फिसर नामक पानीमा पेट्रोलिम पदार्थको मिसावट भेटिएको हो । ‘तिर्खा लागिरहेको थियो, गाडीबाट झर्ने बित्तिकै चिसो पानी मागेर घटाघट खाए’ रुकुमबाट गोरखा घुम्न आएका नारायणकुमार विष्टले भने ‘दुई घुड्का ननिल्दै पेट्रोल गनाएको जस्तो लाग्यो ।’ उनीसँगै रहेका गोरखा आरुघाटका गोपाल बिकले पनि उक्त पानी खाएका थिए । उनलाई पनि पेट्राल गनाएको भान भयो । ‘पेट्रोल मिसिएको छ भन्ने लाग्यो त्यसपछि म बाहिर थुक्न गए उहाँले पनि खानुभएछ’ विष्टले भने ।
पानीमा पेट्रोलियम पदार्थको मिसावट भएको भन्दै उनीहरुले सञ्चारकर्मी र प्रशासनलाई जानकारी गराएका थिए । ‘बाबुहरुले आएर पानी माग्नुभयो, फ्रिजबाट झिकेर दिए, खाने बित्तिकै पेट्रोल÷पेट्रोल भनेर कराउँदै आउनुभयो’ होटल सञ्चालिका भिमकुमारीले भनिन् । उक्त बोतलसँगै रहेको अर्कोमा पनि तेल जस्तो पदार्थ तैरिएको र रौ समेत रहेको अवस्थामा भेटिए त्यसलाई नमूनाका परिक्षणका लागि पठाइएको छ ।
मान्बु भेटघाट होटल हरमटारीका सञ्चालक रामबहादुर गुरुङले केही दिन अघि आरके एस् स्टोर्स हरमटारी ५० कार्टुन पानी होटलमा ल्याएका थिए । ‘यही पानी राम्रो भनेर ५० कार्टुन पानी राखेको थिए, यसमा मिसावट रहेछ’ उनले भने । प्रदुशित पानी भेटिए लगत प्रयोगकर्ता बिकेता र आधिकारिक बिक्रेता, उपभोक्ता हकहित संरक्षण मञ्चका पदाधिकारी, पत्रकार लगायतको रोहवरमा जिल्ला प्रशासनले सार्वजानिक मुचुल्का तयार गरी नमूना परिक्षण लागि सम्बन्धित निकायमा पठाइएको प्रमुख जिल्ला अधिकारी नारायण भट्टराईले बताए ।
‘पानीमा पेट्रोल गनायो उहाँहरु आउनुभएको खोलिएको बोत्तलमा हामीले पनि चेक गरेयौं’ उनले भने ‘अर्को नखोलिएको बोत्तलमा पनि तेल जस्तो पदार्थ तैरिएको रहेछ, त्यसमा त झन रौं समेत देखियो ।’ जिल्लामा केही समय अघि छिम्केश्वरी र सञ्जिवनी नामका पानी पनि प्रदुशित देखिएको भन्दै प्रशासनले कडाई जसमध्ये सञ्जिवनी नमूना परिक्षणको रिर्पोट ल्याएर वितरण सुरु गरिसकेको छ भने छिम्केश्वरी नाम गरेको पनि गोरखामा अहिले पनि प्रतिबन्धित छ ।
