गोरखा समाचारदाता
पछिल्लो समय पत्रकारको सुरक्षा चुनौती बढ्दै गएको भन्दै एक कार्यक्रमका सहभागीहरुले चिन्ता ब्यक्त गरेका छन् । समचार लेखेको भरमा पत्रकारले बिभिन्न समस्या भोग्नु परेको भन्दै जिल्लामा क्रियाशिल संचारकर्मीहरुले सुरक्षाको ग्यारेण्टी हुनुपर्ने बताएका हुन ।
नेपाल पत्रकार महासंघ गोरखाको र अनौपचारिक क्षेत्र सेवा केन्द्र (इन्सेक) पोखराको संयुक्त आयोजनामा मंगलवार मंगलबार भएको पत्रकार र सुरक्षा बिषयक मिडिया साझेदारी बैठकमा सहभागी पत्रकारहरुले यस्तो बताएका हुन् । सन् २०१६ मा राज्य र गैरराज्यबाट ३३ जना पत्रकार पीडित भएकोमा यो संख्या बढेर २०१७ मा ३८ जना पुगेको इन्सेकले तथ्यांक सार्वजानिक समेत गरेको छ । बैठकमा बोल्दै इन्सेकका क्षेत्रिय प्रमुख शिव खकुरेलले महिला पत्रकारका दाँजोमा पुरुष पत्रकार बढि पिडित हुने गरेको बताएका छन् ।
पत्रकार महासंघ गोरखाका अध्यक्ष किशोरजंग थापाको अध्यक्षतामा भएको बैठकमा बोल्ने अधिकांश पत्रकारले समाचार लेखेकै भरमा भौतिक तथा मानिसक सुरक्षाको चुनौतीको सामना गर्नुपरेको भन्दै पेशागत सुरक्षा हुनुपर्ने बताएका छन् । कार्यक्रममा पत्रकार महासंघका निवर्तमान अध्यक्ष भिमलाल श्रेष्ठ, पूवै अध्यक्ष कैलाशवावु श्रेष्ठ, उपाध्यक्ष दिपक श्रेष्ठ, शिव उप्रती लगायतले धारणा राखेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए