गोरखा समाचारदाता
फाल्गुृण २६ गते । गोरखा सदरमुकाममा रहेको कालिमाटी टोल बिकास संस्थाको नबौं साधारण सभा सम्पन्न भएको छ ।
गोरखा नगरपालिका ६ को कालिमाटी बजारलाई कार्य क्षेत्र बनाउदै ०६३ सालमा स्थापना भएको संस्थाले सनिबार पश्चिमकालीमा साधारण सभा सम्पन्न गरेको हो । गोरखा नगरपालिकाका मेयर राजनराज पन्तको प्रमुख आतिथ्यतामा सम्पन्न कार्यक्रममा संस्थाले गोरखा अदातल देखी गोरखा बोर्डिङ सम्म बाटो मर्मत, सरकारी कार्यालय जाने मुलबाटो देखी जिल्ला समन्वय समिति हुदै अर्चले सम्म नाला निर्माण गर्ने, लोकतान्त्रिक चोक वरपर रहेको नालामा छोप्ने, सडक बत्ती, फुटपाथ निर्माण देखी शाखा बाटो मर्मत गर्ने प्रस्ताव पारित गरेको छ ।
संस्थाको साधारण सभाले टोल बिकास क्षेत्र भित्र पर्ने मुल सडकमा जथाभावी हुने पार्किङलाई ब्यवस्थित गर्ने, संस्थाको भवन निर्माण तथा तालिम र गोष्ठीको आयोजना गर्ने प्रस्तावहरु समेत पास गरीएको संस्थाका अध्यक्ष ऋषीराम देवकोटाले बताउनु भयो ।
कार्यक्रममा गोरखा नगरपालिका वडा नम्बर ६ का वडाध्यक्ष नारायण अर्याल, गोरखा उद्योग बाणिज्य संघका भू.पु.अध्यक्ष रामबावु जोशी, शक्ति माविका प्रधानाध्यापक निरजबावु भट्टराई, शहिद लखन गाउँ पालिका वडा नम्बर ८ का वडाध्यक्ष काशिनाथ अंगाई र भेष बहादुर खड्काले शुभ कामना मन्तब्य राख्नु भएको थियो ।
संस्थामा बिसौनी मोड देखी अफिस एरीया हुदै रेडक्रश र गोरखा अस्पताल जाने मुल बाटो सम्मको ६८ घर आबद्व रहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए