गोरखा समाचारदाता
महिलाहरुले अहिले पनि व्यवहारिक रुपमा निर्णायक तहमा भुमिका नपाएको गुनासो गरेका छन् । १०८ औ महिला दिवसका अवसरमा आयोजित कार्यक्रममा बोल्दै महिला अधिकारवादीहरुले नेताहरुले जतिसुकै महिला अधिकारका कुरा गरेपनि ब्यवहारिक रुपमा भने खासै परिवर्तन नआएको बताएका छन् । महिलाहरु आर्थिक र सामाजिक रुपमा शसक्त नहुन्जेल महिला अधिकारका कुरा कानुनमा मात्र सिमित हुने महिला तथा बालबालिका कार्यालयकी प्रमुख शुसिला वाग्लेको भनाई छ । ‘महिला जबसम्म अरुमा निर्भर हुन्छन तबसम्म यो समस्या हट्दैन, महिलालाई आर्थिक र समाजिक रुपमा विकास गरि अघि बढाउन जरुरी छ’
आर्थिक सक्तिकरण सहितको महिला जागरण,ग्रामिण तथा सहरी महिलाको जीवनस्तर रुपान्तरण भन्ने नाराका साथ जिल्लाका बिभिन्न स्थानमा कार्यक्रम सम्पन्न भएको छ । दिवशको अवसरमा गोरखा नगरपालिकाले अन्तरक्रिया कार्यक्रम सम्पन्न गरेको छ । उपमेयर बिना कुमारी श्रेष्ठको अध्यक्षता तथा जिल्ला समन्वय समितिका अध्यक्ष अशोक गुरुङ्गको प्रमुख आतिथ्यतामा भएको कार्यक्रममा गोरखा नगरपालिका प्रमुख राजनराज पन्त, प्रमुख जिल्ला अधिकारी जितेन्द्र बस्नेत, लगायतले मन्तव्य राखेका थिए ।
दिवशकै अवसरमा बुंकोट प्रगतिशिल बचत ऋण सहकारीको आयोजना अक्सफाम र तुलसी महेर युनेस्को क्लबको साझेदारी र वडा कार्यालयहरुको समन्वयमा कविता प्रतियोगिता तथा सम्मान कार्यक्रम सम्पन्न भएको छ । कार्यक्रमको अवसरमा साबिकको बुंकोट भित्रका नमूना पुरुष, नमूना एकल महिला र नमूना श्रीमान÷श्रीमती र नमूना सासू बुहारीलाई सम्मान गरिएको वडा नम्बर ७ का अध्यक्ष शरण श्रेष्ठले जानकारी दिएका छन् । सोही अवसरमा भएको कबिता प्रतियोगितामा साविकको बुंकोट ९ की भगवती वाग्ले पहिलो, ४ की कमला सिंखडा दोश्रो ८ की चन्द्रमायाँ कोइराला तेश्रो र ५ की कल्पना श्रेष्ठ सान्त्वना भएका छन् । भगवती खनालको अध्यक्षता तथा समन्वय समितिकी उप–प्रमुख जनुका अधिकारीको प्रमुख आतिथ्यतामा रहेको थियो ।
यसैबिच नारी दिबसकै अबर पारेर गोरखा नगरपालिका १० बिरेन्चोकमा महिला समुहको सहकारी संस्था गण्डकी बचत तथा ऋण सहकारी संस्था लिमिटेडको आयोजनामा लोकगित प्रतियोगिता तथा बनभोज कार्यक्रम सम्पन्न भएको छ ।
दिवसकै अवसरमा लैङ्गिक शसक्तिकरण तथा प्राथमिक उपचार तालिम आजबाट सुरु भएको छ । नेपाल रेडक्रस सोसाइटी गोरखकाली उपशाखाका अध्यक्ष नवराज उपाध्याय तिवारीको अध्यक्षता तथा नेपाल रेडक्रस सोसाइटी जिल्ला शाखा गोरखाका सभापति भगवान बाबु मास्केको प्रमुख आतिथ्यतामा भएको कार्यक्रममा रेडक्रसका मन्त्री राजेन्द्र न्यौपाने, उपशभापति शंकर बहादुर बस्नेत, लैङ्गिक तथा समावेशिकरण समिति रेडक्रसकी जिल्ला संयोजक फूलमाया गुरुङ्ग लगायतले मन्तव्य राखेका थिए ।
दिवसकै अवसरमा बारपाक सुलिकोट गाउँपालिको आयोजना स्वाँरा सघन गाउँबिकास केन्द्रको सहयोगमागाउँपालिका स्तरिय लोकनृत्य प्रतियोगिता भएको छ । यता अजिरकोट गाँउपालिका ३ हंसपुर महिला संजाल समितिले समाज परिवर्तनमा महिलाको भूमिका विषयक बक्तृत्वकला प्रतियोगिता गरेको छ । प्रतियोगितामा ९ वटै वडाको महिलाहरुको सहभागिता रहको समितिकी उपाध्यक्ष चन्द्रकला अधिकारीले जानकारी दिएकी छिन् ।
यस्तै मसेल गैराथोकका महिलाहरुले महिला दिवस मनाएका छ्न । दलित र जनजाती मात्रै भएको गैराथोकमा पहिलो पटक महिला दिवस मनाइयको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए