मोहसिन अलि मियाँ/गोरखा
रोट्रयाक्ट क्लब अफ गोरखाले विपन्न विद्यार्थीका लागि न्यानो कपडा तथा स्टेशनारी सहयोग गरेको छ । सिराञ्चोक गाउँपालिका वडा नम्बर ८ जौवारी स्थित फिनाम प्राथमीक विद्यालयमा अध्ययनरत ४६ जना विद्यार्थीलाई क्लबले विद्यालयमा पुगेर सहयोग सामाग्री हस्तान्त्रण गरेको हो ।
विद्यालयमा अध्ययन गर्ने विपन्न, दलित तथा जनजाती विद्यार्थीहरुका लागि न्यानो कपडा र स्टेशनरी सामान सहयोग गरेको क्लबले जनाएको छ । साथै क्लबले विद्यालयमा पुगेर विद्यार्थीहरुलाई दिशा पिसाव गरेपछि तथा अन्य फोहोर सामाग्री चलाएपछि हात धुने तरिका बारे समेत सिकाएको थियो ।
विद्यालयका प्रधानाध्यापक सुक बहादुर बिकको उपस्थितीमा क्लबले करिब ५५ हजार बराबर सामाग्री वितरण गरेको हो । अघिल्लो बर्ष समेत क्लबले ५५ जना विद्यार्थीलाई न्यानो कपडा तथा स्टेशनारी सहयोग गरेको थियो । जिल्ला स्थित बिभिन्न संघसंस्था तथा रोटरी क्लब अफ गोरखाका रोटरियनको सहयोगमा सामाग्री बितरण गरिएको क्लबले जनाएको छ ।
यसैबिच रोट्रयाक्ट क्लब अफ गोरखा र पोखरा फिस्टेलको संयुक्त आयोजनामा सदरमुकाममा ट्राफिक सचेतना कार्यक्रम सम्पन्न गरेको छ । जिल्ला ट्राफिक कार्यालय र यातायात यबवसायी समिती गोरखाको सहयोगमा जिल्लामा कार्यरत ३० जना भन्दा बढि चालक तथा सहचालकलाई ट्राफिक नियमका बारे जानकारी गराइएको क्लबले जनाएको छ ।
सचेतना कार्यक्रममा बृत्त चित्र समेत प्रस्तुत गरिएको थियो । कार्याक्रमको जिल्ला ट्राफिक कार्यालयका प्रमुख दयाराम शर्माले सहजिकरण गरेका थिए । जिल्लामा पछिल्लो समय बढेको दुरघटनालाई न्युनिकरण गर्ने उदेश्यले कार्यक्रमको थालनी गरिएको क्लबका अध्यक्ष बुद्धि जोगीले जानकारी दिएका छन् ।
क्लबले अन्य स्थानमा समेत ट्राफिक सचेतना कार्यक्रम राख्ने योजना बनाएको अध्यक्ष जोगीको भनाई छ । कार्यक्रममा यातायात ब्यवसायी समिती गोरखाका महासचिव अञ्जन खत्री, रोटरी क्लब अफ गोरखाका शरद कट्टेल, नेपाल मजदुर संगठनका जिल्ला अध्यक्ष डिल्लीराम भट्ट लगायतले मन्तब्य राखेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए