गोरखा समाचारदाता
बुढीगण्डकी आयोजना राष्ट्रिय सरोकार समितिले शुक्रबार आयोजनाको कार्यालय सिउरेनीटारमा धर्ना दिएको छ । बुढीगण्डकी आयोजनाको काम सुस्त भएकोले प्रभावितमा अन्यौलता बढेको भन्दै धर्ना दिइएको सरोकार समितिका हरि सिम्खडाले जानकारी दिनुभयो । दिनभरको धर्ना पछि आन्दोलनकारी बुढीगण्डकी आयोजना राष्ट्रिय सरोकार समिति र आयोजना कार्यालय बिच सहमती भएको छ । बुढीगण्डकी आयोजनाको काम द्रुत गतिमा अगाडी बढाउने बिषयमा आगामी १७ गते उर्जा मन्त्रालयमा, उर्जा मन्त्रि, सहाययक एवं राज्य मन्त्रि, आयोजना प्रमुख, गोरखा र धादिङका सांसदहरु, उर्जा सचिव, दुबै जिल्लाका प्रमुख जिल्ला अधिकारी र सरोकार समितिका पदाधिकारी सहित छलफल गर्ने सहमती पछि धर्नाको कार्यक्रम फिर्ता लिएको सरोकार समितिका अध्यक्ष हरेराम ढकालले जानकारी दिनुभयो । धर्नाका क्रममा गोरखाले गत आर्थिक वर्षमा मुआब्जा बापत आएको अधिकाशं रकम वितरण गरेपनि धादिङमा प्रभावकारी नभएको भन्दै त्यसलाई पनि ध्यानदिने सहमती भएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए