मोहसिन अलि मियाँ/गोरखा
माघ १२ गते । गोरखा नगरपालिकाले सदरमुकाम क्षेत्रको फुटपाथ ब्यवस्थित बनाउने अभियान सुरु गरेको छ । गोरखा बजार क्षेत्रमा फुटपाथको निर्माण भए पनि ब्यवस्थित नहुदा समस्या भएको भन्दै नगरपालिकाले ब्यवस्थित बनाउन नयाँ योजना सहित अभियानको थालनी गरेको हो । ‘बजार क्षेत्रमा जथाभावी सामान राखेर पूरै अस्तब्यस्त छ, मान्छे हिड्ने भनेर बनाएको बाटो पुरै ब्लक गरेर ब्यापारीक थलो बनेको छ, अब यस्तो हुन दिदैनौ’ नगरप्रमुख राजनराज पन्तले भने ।
फुटपाथमा राखिएका सामाग्री हटाउन नगरपालिकाले यस अघि पनि सुचना जारी गर्दै आएको छ । तर नगरपालिकाको सुचनालाई ब्यवास्ता गर्दै बजार क्षेत्रको फुटपाथमा ब्यापारिक प्रयोजनका सामाग्री तथा निर्माण सामाग्री राख्ने क्रम रोकिएको छैन । यसले गर्दा बजार अब्यवस्थित हुनुका साथै पैदल यात्रुलाई समस्या हुदै आएको छ ।
केही दिन अघि नगर कार्यपालिकाको बैठकले फुटपाथ ब्यवस्थित बनाउन चार बुदे निर्णय गर्दै कार्यान्वयन लागि अभियानकै रुपमा अघि बढाएको छ । त्यसका लागी सडकको दायाँबाँया सार्वजानिक जग्गामा बनाइएका टहरा, निर्माण सामाग्री, ब्यापारिक प्रयोजनका सामाग्री हटाउन  ७ दिने सार्वजानिक सुचना प्रकाशन गरेको छ । तर यस सुचनालाई बेवास्ता गरेर सो समय सिमा भित्र सामान नहटाइए नगरपालिकाले आफै हटाएर कडा कारबाही गर्ने निर्णय गरेको कार्यालयको भनाई छ । ‘सडकको दाँयाबाँया बनाइएका टहरा, सामाग्री हटाउन हामीले ७ दिने सुचना निकालेका छौ, यो समय सिमाभित्र हटाएनन भने हामी आफैले हटाइ दिन्छौ र उसलाई कारवाही प्रक्रियामा जान्छौ’ नगरप्रमुख पन्तले भने ।
त्यस्तै नगरक्षेत्र भित्र घर बनाउन घडेरी खार्नु पूर्व नगरपालिका संग स्विकृति लिनुपर्ने भएको छ । जथाभावी घडेरी खारेर नाली तथा फुटपाथको संरचना नै बिग्रिएको भन्दै नगरपालिकाले पूर्व स्किृति नलिइ घडेरी खार्न नपाइने नियम बनाएको हो । त्यसका लागि स्विकृती संगै धरौटी रकम समेत राख्नु पर्नेछ ।
नगरपालिकाको स्विकृती बेगर घडेरी खार्दा, निर्माण समाग्री राख्दा नाली पुरिने, बाटो भास्सिने तथा सवारी अवागमनमा अवरोध हुने भएकाले सम्बन्धित ब्यक्तिलाई जिम्मेवार बनाउन यस्तो निर्णय गर्नु परेको नगरप्रमुख पन्तको भनाई छ । सो का लागि २० हजारदेखि माथी धरौटी रकम तोकिएको उनले बताएका छन् । ‘घडेरी खार्ने अनिनालीपुरिदिने, फुटपाथ बिगारिदिने जस्ता कृयाकलाप बढेर गएको छ, अबहामीत्यसो हुनदिदैनौ, अब घडेरी खार्न स्विकिृती र धरौटी नलिइ दिदैनौ, अनि घर बनाइ सकेपछि नाली र बाटो जस्ताको तस्तै बनाइ दियो भने मात्र धरौटी फिर्ता दिन्छौ अन्यथा धरौटी कै पैसाले हामी त्यै नाली र बाटो बनाउछौ’
त्यस्तै अवदेखि नगर क्षेत्रमाआफुखुसी रोड खनेर पाइप गाड्न समेत नपाइने भएको छ । जथाभावी सडक खनेर पाइप गाड्दा सडक जिर्ण बनेको भन्दै नगरपालिकाले त्यस्तो कार्य नगर्न नगरवासीलाई आग्रह गरेको छ । यदि पाइप वाअन्य प्रयोजनका लागि सडक खन्न परेमा नगरपालिकासंग स्विकृती लिनुपर्ने कार्यालयले निर्णय गरेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए