नरेन्द्र ढकाल/गोरखा
माघ ११ गते । भुकम्प पिडितले बैङ्क मार्फत निजि आबास अनुदान लिदाँ दुख पाएको गुनासो बढेपछि जिल्लाका सरोकारवालाहरु छलफलमा जुटेका छन् । राष्ट्रिय पुनःनिर्माण प्राधिकरण जिल्ला समन्वय समितिको सचिवालयको पहलमा जिल्लामा रहेका बैङ्कका प्रमुख एवं सरोकारवाला विषयगत कार्यालयका प्रमुखको बैठकले आपसी समन्वयमा छिटो छरितो काम गर्ने सहमती गरेको हो । ‘हामी जस्ता बुझेका मानिसले त सहज रुपमा काम गर्ने सक्ने अबस्था छैन्, गाउँका भुकम्प पिडितको अवस्था दयनिय छ’ माओवादी केन्द्रका नेता कृष्ण रानाले भने । बैङ्क र सरकारी निकायको आपसी समन्वयमा कमी हुँदा निजि आवास अनुदान वितरणको काम प्रभावकारी नभएको भन्दै अहिले आएका समस्याका बारेमा छलफल भएको हो ।
प्रमुख जिल्ला अधिकारी जितेन्द्र बस्नेतको अध्यक्षतामा भएको बैठकमा दुवै पक्षले सहयोग र समन्वय गर्दै जाने निर्णय गरिएको छ । बैठकले लिखित हस्ताक्षर गर्ने लाभग्राहीले सम्बन्धीत बैंकको जुन कुनै शाखामा गएर पनि भुकम्पको किस्ताबापतको भुक्तानी लिन सक्ने व्यवस्था गर्ने सहमती गरेको छ । तर चेकमा ल्याप्चे ल्याउने लाभग्राहीले भने तोकिएकै शाखाबाट मात्र सुविधा पाउने सहमती गरिएको छ ।
जिल्ला समन्वय समितिले बैंकलाई निर्णयहरु पठाउदा प्रष्ट नभएको भन्दै प्रस्ट भाषामा पठाउनु पर्र्नेे सहमती भएको छ । बैठकमा बैंकहरुले भुकम्प पिडितलाई अनुदान उपलब्ध गराईदिए बापत पाउने कमिशन रकम नपाएको भन्दै उपलब्ध गराईदिन प्राधिकरणलाई अनुरोध गर्ने निर्णय समेत भएको छ ।
लाभग्राहीलाई अनुदान रकम उपलब्ध गराए बापत बैंकले एक व्यक्ति बराबर २२५ रुपैया पाउने सम्झौता भएको थियो । बैठकमा गोरखा क्षेत्र नम्बर २ अन्र्तगत प्रदेशसभा क मा सांसद हरिशरण आर्चाय, प्रदेशसभा सांसद धनमाया पोखरेल (लामा),प्रमुख जिल्ला अधिकारी जितेन्द्र बस्नेत, जिल्ला समन्यव समिति गोरखाका जिल्ला समन्वय अधिकारी नारायण आर्चाय, जिल्ला स्थित बिभिन्न बैंकका शाखा प्रमुखहरु लगायतको सहभागिता रहेको थियो ।
