नरेन्द्र ढकाल/गोरखा
माघ ९ गते । गोरखा नगरपालिका ४ फिनाम गरापानीकी कोपिला बयलकोटी अहिले निकै खुसि छिन् । आँगनमा बनेको धारामा पानी आउन थालेपछि अब उनलाई पँधेरा धाउन पर्ने बाध्यता पनि हटेको छ । ‘निकै खुसि लागेको, अब दुःखका दिन गए, घरमा नै पानी भरेर खान पाइने भयो’ खुसि हुँदै स्थानीय मति बयलकोटीले भनिन् ।
पानी नभएकै कारण स्कुल जाने छोरीलाई खाना बनाएर खुवाउन समेत समस्या भएको अनुभव सुनाउँदै ‘घरमा पानी छैन, लिन जाम भ्याइदैनथ्यो छिमेकी जस्का घरमा जे पाकेको छ त्यही खुवाएर पठाउन पर्ने बाध्यता थियो, त्यस्ता दिन पनि थिए ।’ सोही ठाउँकी कपिला बयलकोटीले त खेर गएको पानी सदुपयोग गरी तरकारी खेति समेत गर्न थालेकी छिन् । ‘ऊ त्यो बारीमा तरकारी लगाउनु पर्थो, सबै गाइ बस्तुले खाइदिन्थे’ घर देखि पारी रहेको खेत देखाउँदै उनले भनिन् ।
अहिले भने उनको करेसा बारीमा तरकारी फल्न थालेको छ । अक्सफाम र तुलसी मेयरको साझेदारीमा करिब १२ लाख लागतमा निर्माण भएको उक्त खानेपानी आयोजनाबाट ३३ घरमा धारा जोडिएको छ । उक्त आयोजना निर्माणका लागि स्थानीयले २ लाख भन्दा बढि श्रमदान समेत गरेको उपभोक्ता समितिका सचिब पदम बयलकोटीले जानकारी दिए । उक्त खानेपानी आयोजनाको एक कार्यक्रम बिच गोरखा नगरपालिकाका प्रमुख राजनराज पन्तले उद्घाटन गरेका थिए । ‘नगरपालिकाको एक घर एक धारा कार्यक्रमलाई सफल बनाउन अभियानमा जुन काम भएको छ त्यो सरानिय छ ’ पन्तले भने ।
नगरबासीलाई स्वास्थ्य खानेपानी उपलब्ध गराउने आफ्नो कतव्य भएको भन्दै उनले गरापानीका जनताले उक्त सेवा पाएकोमा खुसि व्यक्त गरे । खानेपानी उपभोक्ता समितिका अध्यक्ष दिप बहादुर पाथे मगरको अध्यक्षतामा भएको कार्याक्रममा बोल्दै वडा अध्यक्ष खोप बहादुर अघिकारीले आयोजना बन्नु ठुलो कुरा नभएको बन्दै बनेका योजनाहरुलाई संरक्षण गर्ने स्थानीयको भुमिका महत्वपुर्ण हुने बताए ।
सोही अबसरमा आयोजना निर्माणको प्रमाणपत्र हस्तान्तर गर्दैै तुसली मेयर युनेस्को क्लवका अध्यक्ष धिरज बहादुर मास्केले उक्त खानेपानी आयोजनाको सही सदुपयोग गर्न आग्रह गरेका थिए । त्यस अघि अक्सफाम र तुलसी मेयरको साझेदारीमा फिनाममा गरिएको कार्यक्रमको समिक्षा गरिएको थियो । वडा अध्यक्ष अधिकारीको अध्यक्षमा भएको उक्त कार्यक्रममा साझेदार सस्थाहरु मार्फत फिनामका भुकम्प पिडितहरुको लागि गरिएका कामको प्रगती खर्च विवरण समेत प्रस्तु गरिएको थियो ।
फिनामा ५९ लाख ७५ हजार बजेट बिनियोजन गरिएकोमा २९ लाख ३८ खर्च गरिएको र बाँकी रकम पनि खर्च भई रिपोर्टिङको क्रममा रहेको तुलसी मेयर युनेस्को क्लवका कार्यक्रम संयोजक हेमराज ढकालले जानकारी दिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए