नरेन्द्र ढकाल/गोरखा
माघ ७ गते । नेपाल राज्यको एकिरणका सुत्रधार तत्कालिन राजा द्रब्य शाहको शालिक निर्माण गरिएको छ । गोरखा राज्य आक्रमण पछि राज्याभिषेक गरिएको पश्लाङ चौतारोमा निर्माण गरिएको शाहको शालिक शनिवार अनावरण गरिएको हो । मुर्तिकार प्रचण्ड शाक्यले निर्माण गर्नुभएको अर्धकदको शालिक एक कार्यक्रमका विच राष्ट्रिय योजना आयोगका उपाध्यक्ष डाक्टर स्वीणम् वाग्लेले उद्घाटन गरेका हुन् ।

‘नेपालको अर्थतन्त्रको एउटा हिस्सा पर्यटन उद्योग हो, यस्ता ऐतिहासिक कुराहरुले पर्यटन प्रवद्र्धनमा ठुलो अर्थ राख्छ’ उनले भने । ऐतिहासिक धार्मिक र शाहसिक पर्यटनका हिसाब गोरखा निकै संभावना भएको क्षेत्र रहेको वाग्लेले विश्व बजारमा गोरखाको प्रचार आवश्यक रहेको बताए । ‘हामीले गोरखालाई विश्व बजारमा बेच्न सकेका छैनौं, यो बिरताको इतिहास संसारभर फिजाउँन सकियो भने, पर्यटकहरुको ओहिरो लाग्छ’ उनले भने ।

कार्यक्रममा उपस्थित हुनुभएका इतिहासविद् दिनेशराज पन्तले इतिहासका बारेमा खोज अन्भेषण कम भइरहेका बेला द्रब्यशाहको शालिक राखिनु निकै राम्रो कुरा भएको बताउनुभयो । ‘अहिले समयमा युवा पुस्तालाई पुराना कुराको चासो छैन, इतिहास खोजेर तथ्य सत्य बाहिर ल्याउने मानिसको कमि छ’ पन्तले भने । द्रब्यशाह, रामशाह, पृथ्वीनारायण शाह जस्ता व्यक्तिहरुको बारेमा पनि प्रयाप्त मात्रमा खोज तथा अनुसन्धान हुन नसकेको उनले बताए । शालिक बनेपछि स्थानीय पनि निकै खुसि भएका छन् ।

‘आज निकै हर्ष लागेको छ, द्रब्यशाह लम्जुङबाट आउँदा ल्याउनुभएको पाँडे, पन्त, राना, अज्र्याल, खनाल, बोहोरा मध्ये एक म पनि एक सन्तती हुँ’ पश्लाङका स्थानी रोहित बहादुर बोहोराले बताए । गोरखा उद्योग वाणिज्य संघले ‘एक गाउँ एक उत्पादन कार्यक्रम’ अन्तरगत पर्यटन विकास गर्न चार लाख रुपैँया लगानीमा शालिक निर्माण गरिएको हो । ‘राजा द्रब्य शाहको शालिक राखियो, नेपालको इतिहासमा यो निकै गौरवपुर्ण काम भएको छ’ द्रब्य शाहलाई त्यतिबेला राज्याभिषेक गराउनुभएको नाराणयभक्त अज्र्यालका सन्तती गोरखा नगरपालिका वडा ६ दरबारमार्गका नारायणभक्त अर्यालयले भने ।

द्रव्य शाहले लिगलिगकोटका साथै बारपाक राज्य आक्रमण गरी विजय हासिल गरेपछि गोरखा राज्यमाथि हमला गर्दै वि.सं. १६१६ भदौ २५ गतेदेखि वि.सं. १६२७ सालसम्म राजा भएका थिए । उद्योग वाणिज्य सघंका अध्यक्ष श्रवण कुमार जोशीको अध्यक्षको अध्यक्षतमा कार्यक्रम भएको हो । ‘हाम्रो नियमित कार्यक्रम एक गाउँ एक उत्पादन अन्र्तगत यो एतिहासिक काम गरेका हौ’ जोशीले भने ।

यसै विच उद्योग वाणिज्यले वाग्लेको उपस्थितीमा गोरखाको विकास निर्माण र आर्थिक विकासका बारेमा छलफल समेत गरेको छ । संघको सचिवालय छहरे गोरखामा भएको कार्याक्रममा जिल्लाका उद्योगी व्यवसायीको सहभागिता रहेको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए