गोरखा समाचारदाता
जिल्ला सदरमुकाममा सुरु भएको प्यासन कप फुटबलमा बिहिवार ४ खेल भएका छन् । निजि विद्यालयहरुको छाता संगठन प्यासन गोरखाको आयोजनामा खेलकुद मैदान हरमटारीमा सुरु भएको प्रतियोगिता अन्र्तगत बिहिबार भएको पहिलो खेलमा लक्ष्मी सामुदायिक शिक्षा सदन लक्ष्मी बजार भारी गोल अन्तरले बिजयी भएको छ ।
लक्ष्मी सामुदायिक शिक्षा सदनले मनकामना बोडिङ स्कुल सतिपपिललाई ६–० गोल अन्तरले पराजित गरेको हो । त्यस्तै दोस्रो खेल युनाइटेड बोर्डिङ स्कुल पालुङटार पनि फराकिलो गोलअन्तरले बिजयी भएको छ । उक्त खेलमा युनाइटेड बोर्डिङ स्कुल पालुङटारले गोरखा बोर्डिङ पाटेचौरलाई ५–० गोल अन्तर पाखा लगाएको प्यासनका जिल्ला सदस्य बाबुराम तिवारीले जानकारी दिए ।
त्यस्तै बिहिबार नै भएको तेस्रो खेलमा बालज्वोती बोर्डिङ स्कुल ठाँटीपोखरीलाई न्यु होराइजन बोर्डिङ स्कुल बुङकोट विच भएको खेल निर्णय भने ट्राइबे्रकरबाट लिइएको छ । ट्राइब्रेकरमा ३ का बिरुद्ध ५ गोल गरी न्यूहोराइजन बिजयी भएको छ । बिहिबार भएको अन्तिम खेलमा मोर्डन बोर्डिङ स्कुल हरमटारीले गोलको वर्षा गरेको छ । मोर्डनले ब्राइट फ्फुचर बोर्डिङ स्कुल चोरकाटेलाई १०–० गोल पराजित गरेको तिवारीले दिए ।
हरमटारी स्थित रङशाला खेलकुद मैदानमा शुरु भएको प्रतियोगितामा बिभिन्न १३ टिमको सहभागिता रहेको प्याप्सन गोरखाका कार्यसमिति सदस्य बाबुराम तिवारीले जानकारी दिनुभयो । प्रतियोगिता अन्र्तगत पहिलो दिन बिहिबार भएको नकआउट चरण बिभिन्न ४ खेल सम्पन्न भएको तिवारीले बताए । प्रतियोगिता शुक्रबार नकआउट चरणको १ खेल र क्वाटर फाइनलको ३ खेल हुनेछन् । प्रतियोगिताको बिहिबार एक कार्यक्रमका बिच प्याप्सनका केन्द्रिय महासचिव राजेन्द्र बानिँयाले उद्घाटन गरेका हुन् ।
जिल्ला अध्यक्ष सिताराम तिवारीको अध्यक्षतामा भएको उद्घाटन कार्यक्रममा जिल्ला समन्यव समितिका उपसभापती जनुका अधिकारी, गोरखा नगरपालिकाकी उपमयेर बिनाकुमारी श्रेष्ठ लगायतको सहभागिता रहेको थियो ।
