नरेन्द्र ढकाल/गोरखा
जिल्लाको धार्चे गाउँपालिकाको केन्द्र व्यवारिक केन्द्र माछाखोला राख्ने निर्णय भएको छ । आइतबार भएको गाउँ सभामा अधिकाशं सदस्यहरुले माछाखोलालाई गाउँपालिकको केन्द्र राख्ने पक्षमा मतदान गरेपछि दुई तिहाई बहुमतले स्वीकृत भएको अध्यक्ष सन्त बहादुर गुरुङले जानकारी दिए ।‘बहुमत सदस्यले माछाखोलालाई केन्द्र बनाउने पक्षमा आफ्नो अभिमत व्यक्त गर्नुभयो’ उनले भने । ३९ जना गाउँकार्यपालिका रहेको धार्चेको आइतबार बैठकमा सहभागी भएको ३८ जना मध्ये ३० जना माछा खोलाको पक्षमा र ८ जना विपक्षमा उभिएका थिए । ‘सबैको सेन्टर, पहिले देखिकै केन्द्र भएकाले यहीँ गाउँपालिकाको केन्द्र राख्नुपर्छ भन्ने सबै साथीहरुको मत देखिएयो’ उनले भने । माछाखोला साबिकका ७ वटै गाविस सबै भन्दा पायक पर्ने ठाउँ हो । उत्तरी गोरखा प्रवेशको मुख्य नाका मानिने माछाखोला साबिकको इलाका नम्बर १२ को केन्द्र समेत थियो । त्यहाँ यस अघि नै नेपाल खाद्य सस्थान,कृषि, पशु, लगायतका विभिन्न सरकारी कार्यालय सञ्चालनमा थिए । ११ किलो,भालुस्वाँरा, वारपाक सडक र बेनीखाट, आरुघाट, लार्के सडक दुबै माछा खोला भएर जाने भएकाले पनि उक्त स्थानमा केन्द्र बनाउन उपर्युक्त देखिएकाले निर्णय गरिएको गुरुङको भनाई छ । माछा खोलालाई केन्द्र तोक्ने दुई तिहाई बहुमतले निर्णय गरेपछि सो क्षेत्रका स्थानीयले भने नाचगान गरी खुसियाली समेत मनाएका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए