गोरखा समाचारदाता
पुस २७ गते । घ्याम्पेसाल बारपाक सडकको ताकुकोट, स्वाँरा र सौरपानी खण्डको दायाँवायाँ पर्ने जग्गाको मुआब्जा निर्धारण भएको छ । जिल्ला मुआब्जा निर्धारण समितिको बैठकले उक्त सडक खण्डको ८ दशमलब २ किलोमिटर सडकको दायाँवायाँ पर्ने जग्गाको मुआब्जा तोकेको समितिका सदस्य सचिव जिल्ला प्राविधिक कार्यालयका प्रमुख होमनाथ पौडेलले जानकारी दिए । ‘निर्माणाधित उक्त सडकको मुआब्जा तोक्ने बारेमा बैठक बसेको थियो’ उनले भने सबैको सहमतीमा मुल्य निर्धारण गरेका छौ ।’ एसियाली बिकास बैङ्कको आर्थिक सहयोगमा भुकम्प आपत्तकालीन सहायता कार्यक्रम अन्र्तगत बाहाकोट देखि सौरपानीको नारायण फाँट थापागाउँ सम्मको मुआब्जा तोकिएको हो । जस अनुसार सबै भन्दा धेरै साबिकको ताकुकोट गाबिस वडा नम्बर ५ भञ्जाङ बजार र वडा नम्बर ६ को बाहाकोट बजारमा पर्ने सडकको दायाँवायाँ पर्ने जग्गाको प्रतिरोपनी मुआब्जा ४ लाख तोकिएको छ । त्यसैगरी साबिकको ताकुकोट र सौरपानी गाबिसमा पर्ने सडकको दायाँवायँका अन्य जग्गाधनी प्रतिरोपनी ३ लाख पाउने छन् । स्वाँरा क्षेत्रमा पर्ने सडकको दायाँवायाँको जमिनको भने २ लाख ५० हजार मुआब्जा निर्धारण गरिएको पौडेलले बताए । ‘मालपोतले निर्धारण गरेको न्युनतम मुख्यलाई आधार बनाएर हामीले मुआब्जा तोकेका हौ।
प्रमुख जिल्ला अधिकारी बस्नेतको अध्यक्षतामा भएको बैठकमा सुलिकोट गाउँपाकिका प्रमुख विष्णु भट्ट, जिल्ला मातपोत कार्यलयका निमित्त प्रमुख देवेन्द्र थापा नापी कार्यालका प्रमुख माधव ढकाल, राष्ट्रिय पुर्ननिर्माण प्राधिकरण जिल्ला समन्वय समितिको सचिवालयका निमिक्त प्रमुख शिवलाल पौडेल, सस्दय सचिव एवं जिल्ला प्राविधिक कार्यालयका प्रमुख होमनाथ पौडेल लगायतको टोलीले मालपोत कार्यलयले प्रस्ताव गरेको मुख्यका आधारमा मुआब्जा तोकेको हो ।
भुकम्प आपत्तकालीन सहायता आयोजना अन्र्तगत जिल्ला उक्त सडक र लुइँटेल भञ्जाङ, आँपिपल, हर्मी, चित्रेपोखरी भच्चेक सडक पनि एजिबीको सहयोगमा स्तर उन्नतीको काम भईरहेको छ । तर काम सन्तोषज रुपमा अगाडी नबढेको धेरैको गुनासो छ । उक्त खण्डको पनि मुआब्जा निर्धारण गर्ने तयारी भईरहेको छ । त्यसैगरी अन्य योजना मार्फत काम भइरहेका १२ किलो, छेवेटार, भालुस्वाँरा बारपाक सडकको काम पनि सुस्त देखिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए