गोरखा समाचारदाता
गोरखा नगरपालिकालाई बालमैत्री बनाउने अभियानमा सबैलाई जुट्न नगरप्रमुख राजनराज पन्तले आग्रह गरेका छन् । सदरमुकाममा बाल संरक्षण र बाल अधिकारका बिषयमा भएको दुई दिने गोष्ठीको समापन गर्दै नगरप्रमुख पन्तले यस्तो बताएका हुन् । ‘म गोरखा नगरपालिकालाई छिटो भन्दा छिटो बाल मैत्री बनाउन चाहान्छु, यसमा हामी लागेका छौ, यो अभियानमा साथ दिन सबैलाई म आग्रह गर्छु’ पन्तले भने ।

युनिसेफ नेपालको सहयोग र चेस गोरखाको आयोजनामा भएको दुइ दिने गोष्ठी गोरखा नगरपालिकाका १४ वटै वडाका वडा अध्यक्षहरु, नगरकार्यपालिकाका सदस्यहरु, नगरपालिकाका कर्मचारी लगायतको सहभागिता रहेको थियो । गोष्ठीको दोस्रो दिन बाल अधिकारकर्मी राजकुमार पाण्डेले सहजिकरण गरेका थिए । गोष्ठीमा बालमैत्री स्थानिय शासन (सिएफएलजी), बालबालिकालाई छुट्याइएको बजेटको सदुपयोग कसरी गर्न सकिन्छ भन्ने बारे छलफल भएको थियो । त्यस्तै बाल सहभागिता र उनिहरुको अधिकारका बिषयमा सहभागिहरुलाई जानकारी गराइएको आयोजक चेस गोरखाकी कार्यक्रम संयोजक रचना सापकोटाले जानकारी दिएकी छिन् ।

जिल्लाको ४ गाँउपालिका र एक नगरपालिकामा जोखिममा परेका बालबालिकाको पारिवारिक संरक्षणमा चेस गोरखाले कार्यक्रम सञ्चालन गरिरहको सापकोटाको भनाई छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए