कैलासबावु श्रेष्ठ/ गोरखा
कात्र्तिक ६ गते । गोरखाको शिक्षा क्षेत्रमा सहयोग गर्ने गरी गोरखा सेवा समाज कतारले सोमबार २५ लाख रुपैयाँ सहयोग उपलब्ध गराएको छ । रोजगारीका लागि कतार पुगेका गोर्खालीहरुको संस्था गोरखा सेवा समाज कतारले एक कार्यक्रम बिच गोरखा सेवा समाज नेपाललाई उत्त रकम हस्तान्तरण गरेको हो ।
जिल्लामा अनाथ, असहाय अवस्थाका बालबालिकाहरुलाई शिक्षाको अबशरबाट बन्चित हुन नदिई समग्र जिल्लाको शैक्षिक कार्य र बिकाशमा सहयोग पुग्ने गरी समाजले नेपाललाई उत्त रकम हस्तान्तरण गरेको हो ।
भूकम्पको केन्द्र बिन्दु रहेको गोरखा जिल्ला र त्यसमाथि पनि दयनिय सामाजिक भौतिक संरचनाका कारण पनि शिक्षाबाट बालवालिका बन्चित हुनु परेको भन्दै शैक्षिक गुणस्तर उकास्न र बिद्यालय पुनः निर्माणमा सहयोग हुने गरी गोरखा सेवा समाज कतारले नेपाललाई उत्त रकम उपलब्ध गराएको कतारक अध्यक्ष राकेश श्रेष्ठले बताए ।
कतारबाट प्राप्त २५ लाखको अक्षयकोष खडा गरी त्यसबाट आउने ब्याजबाट बर्षेनी शिक्षा क्षेत्रमा सहयोग हुने नेपालका अध्यक्ष शुसिलबावु श्रेष्ठले कार्यक्रममा जानकारी गराएँ । कार्यक्रममा प्रमुख अतिथी प्रमुख जिल्ला अधिकारी जितेन्द्र बस्नेतले पानसमा बत्तिबालेर उदघाट्न गरेका थिएँ ।
कार्यक्रममा गोरखा सेवा समाज कतारका संरक्षक तथा गैर आवासिय नेपाली संघ कतारका महासचिव बुधवल गुरुङ्ग, गोरखा सेवा समाज कतारका अध्यक्ष राकेश श्रेष्ठ, अक्षय कोष स्थापना गर्ने समाजका कतार पूर्व अध्यक्ष आश बहादुर गुरुङ्ग, नेकपा एमालेका उपाध्यक्ष यादव बस्नेत, जिल्ला शिक्षा कार्यालयका गोरखाका बिद्यालय निरिक्षक दामोदर रेग्मी, गैसस गोरखाका अध्यक्ष सिताराम श्रेष्ठ र नेपाल पत्रकार महासंघ गोरखाका अध्यक्ष किशोर जंङ्ग थापाले आ–आफ्नो धारणा राखेका थिए ।
