कैलासबावु श्रेष्ठ/गोरखा
असोज २७ गते । विश्व जेष्ठ नगारिक दिवशको अवशरमा आयोजित कार्यक्रममा बोल्दै महिला तथा बालबालिका मन्त्री आशा कोईरालाले जेष्ठ नागरिकलाई संरक्षणगर्ने काम राज्यको भएको बताईन ।
मन्त्री भए पछि जन्म थलो गोरखामा पहिलो पटक जेष्ठ नागरिकको कार्यक्रममा सहभागी हुन आई पुगेकी मन्त्री कोईरालाले ‘जेष्ठ नागरिकले सम्मान पाउने अधिकार’ भएको भन्दै ‘यो बर्गको संरक्षणको पहिलो दायित्व राज्यको’ भएको बताईन ।
विश्व जेष्ठ नागरिक दिवश दशैको बिदामा परेकोले जेष्ठ नागरिक संघ गोरखाले उत्त कार्यक्रम शुक्रबार जिल्ला सदरमुकाममा भब्य रुपमा आयोजना गरी विविध कार्यक्रम गरी आयोजना गरेको थियो । कार्यक्रममा सहभागी हुन आएकी मन्त्री कोईरालाले ‘केही समय यता देखी मानव समुदाय आफ्नो कर्तब्यबाट विमुख भएको मा दुःख लागेको’ भन्दै ‘सम्मान पाउनका लागि जेष्ठ नागरिकलाई सम्मान दिन सक्नु पर्ने’मा जोड दिए ।
कार्यक्रममा ४ नम्बर प्रदेशको प्रदेश स्तरीय जेष्ठ नागरिक बस्ने आश्रम गोरखाको छेवेटारमा बन्न लागेकोमा खुशी ब्यक्त गर्दै आश्रमका लागि मन्त्रालयले विशेष सहयोग गर्ने समेत घोषणा गरेका थिए ।
जिल्ला सदरमुकामको कवर्डहलमा भएको कार्यक्रममा गोरखा नगरपालिका भित्रको १३ वडाका ३९ जना जेष्ठ नागरिक र १३ जना बुहारीहरुलाई कार्यक्रममा मन्त्री कोईरालाले दोसल्लाह, प्रमाण पत्र र नगद दिएर सम्मान गरीएको थियो ।
