कैलासबावु श्रेष्ठ/गोरखा
असोज २४ गते । शहिद लखन गाउँ पालिकाको कार्यालय निर्माणका लागि हिमालय देवी यूवा क्लव र स्थानिय ४ जना ब्यक्तीले जग्गा दान गरेको छ । ‘गाउँपालिकाको कार्यालय र बिषयगत कार्यालय स्थापनाको लागि जग्गा आवश्यक थियो । स्थायिन स्तरमा रहेको क्लब र सर्व साधारणहरुले ११ रोपनी बरावरको जग्गा दान दिनु भएको छ’ कार्यकारी अधिकृत यूवराज अधिकारीले बताए ।
हाल बस्दै आएको गाउँ पालिका नजिकै रहेको वडा नम्बर ६ को घैरुङ्गमा रहेको पिपलछाप क्लबले ५ रोपनी ३ आना जग्गा निशुल्क उपलब्ध गराएको छ भने स्थानिय बिण्णुमायाँ गुरुङ्गले २ रोपनी ११ आना २ पैसा ३ दाम, पूर्ण बहादुर गुरुङ्गले १२ आना, नर बहादुर गुरुङ्गले १ रोपनी ६ आना ३ पैसा र एक बहादुर गुरुङ्गले ६ आना जग्गा गाउँ पालिकालाई दानका रुपमा उपलब्ध गराएको हो ।
सोमबार जिल्ला मालपोत कार्यालयमामा उपस्थित भै जग्गादान दिएका उनीहरु बाहेक पनि गाउँ पालिकाले अन्य ८ जना संग १२ रोपनी बरावरको जग्गा खरीद गरेको छ । ‘दानमा प्राप्त जमिनले गाउँ पालिका भवनका लागि मात्र भवन बनाउन पुग्ने भएता पनि बिषयगत कार्यालय बनाउन नपुग्ने भए पनि खरीद गरीएको’ कार्यकारी अधिकारीले बताए ।
मिलेको समथर जमिन भएका कारण गाउँ पालिका संगै बिषयगत कार्यालय निर्माणका लागि जमिन पर्याप्त हुने शहिद लखन गाउँ पालिकाले जानकारी गराएको छ । सबै गरी गाउँ पालिकाको नाममा २२ रोपनी बरावरको जमिन भएको छ ।
चलन चल्तीमा प्रति रोपनी ३ लाख ५० हजार देखी ६ लाख सम्म मुल्य पर्ने उक्त जमिनमा यसै बर्ष देखी भवन निर्माणको थालनी गरीने भएको छ । गाउँ पालिकाले यसै बर्ष भवन निर्माणका लागि भनेर ७५ लाख रुपैयाँ बजेट बिनियोजन समेत गरी सकेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए