- कायक्रममा प्रोटोकल बिगारे पछि एलडीयो मञ्चमा गएनन्
कैलासबावु श्रेष्ठ/गोरखा
असोज ६ गते । गोरखा सदरमुकाममा शुक्रबार बिहान ‘प्रहरी टोल टोलमा’ कार्यक्रम सम्पन्न भएको छ । जिल्ला समन्वय समितिको हलमा कार्यक्रम हुनु पूर्व सदरमुकामको ठुलो आँगन देखी रयाली गरीएको थियो ।
जिल्ला प्रशासन कार्यालय र जिल्ला प्रहरी कार्यालयले आयोजना गरेको कार्यक्रममा जिल्ला समन्वय समितिका प्रमुख असोक गुरुङ्ग, प्रमुख जिल्ला अधिकारी जितेन्द्र बस्नेत, प्रहरी उपरिक्षक प्रकाश अधिकारी तथा सरकारी कार्यालयका प्रमुख र नेपाल प्रहरी तथा शसत्र प्रहरीको उपस्थिती रहेको थियो ।
शान्ति सुरक्षा र सुशासन, जनमैत्री प्रहरी र प्रशासन नारा दिइएको कार्यक्रममा प्रहरी नायब उपरिक्षक भेषराज रिजालले कार्यक्रमको बारेमा जानकारी दिएका थिए ।
आयोजक संस्थाका प्रमुख कार्यक्रममा नबसी गायब
जिल्ला प्रशासन कार्यालय गोरखा र जिल्ला प्रहरी कार्यालय गोरखाले आयोजना गरेको उत्त कार्यक्रममा प्रमुख जिल्ला अधिकारी बस्नेत र प्रहरी उपरिक्षक अधिकारी आसन ग्रहण गर्ने बित्तिकै बेपत्ता भएका थिए ।
प्रजिअ अधिकारीले सहायक प्रमुख जिल्ला अधिकारी केशबराज शर्मालाई र प्रहरी उपरिक्षक अधिकारीले प्रनाउ रिमाललाई मञ्चमा राखेर कार्यक्रमबाट बाहिरीएका थिए । कार्यक्रममा सहभागीहरुले आयोजक संस्थाका प्रमुख नै नभएको कार्यक्रम भन्दै खिल्ली समेत उडान भ्याएँ ।
बस्नेत र अधिकारी दुवै जना एक एनजिओले भाडामा लिईदिएको हेलीमार्फत गोरखाको उत्तरी गाउँ सामागाउँ गएको पछि मात्र कार्यक्रममा जानकारी गराईएको थियो ।
कार्यक्रम भद्रगोल भए पछि सहायक सिडिओले आपत्ती जनाए
प्रशासन र प्रहरीको कार्यक्रम जहाँ पनि ब्यवस्थित हुन्छ । तर गोरखा बजारमा शुक्रबार बिहान भएको कार्यक्रम यति फितलो थियो कि रयाली बाट आएका सबै जना हलमा जम्मा भएर आधा घण्टा कुर्दा पनि कार्यक्रम सञ्चालन हुन सकेन ।
कार्यक्रम छिटो गर्न आग्रह गरीए पछि प्रहरीले चलाएको कार्यक्रममा प्रजिअ बस्नेतलाई सभापतित्व गर्न लगाइयो भने जिल्ला समन्वय समितिका अध्यक्ष गुरुङ्ग प्रमुख अतिथी भएँ । उता आयोजक संस्थाका प्रहरी उपरिक्षकलाई समेत कार्यक्रमको अन्तिममा मात्र मञ्चमा आशन ग्रहणका लागि ढाकीएको थियो ।
स्थानिय बिकास अधिकारी मञ्चमै गएनन्
कार्यक्रमको फितलो पनि त्यतीमा मात्र सिमीत रहेन । कार्यक्रमको शुरुवातमा आएका समन्व समितिका स्थानिय बिकास अधिकारी नारायण आचार्यलाई विभिन्न सरकारी कार्यालयका प्रमुखहरुको आसन ग्रहण पछि अन्तिममा मञ्चमा बोलाइएको थियो ।
पटक पटकको आग्रहमा पनि मञ्चमा नगएका आचार्यले प्रोटोकल मिचिएको आभाष गरी सकेका थिए । आचायलाई आयोजक संस्था जिल्ला प्रहरी कार्यालयका प्रहरी उपरिक्षक अधिकारीले हातै समातेर मञ्चमा लाने प्रयास समेत असफल भयो ।
यो दृष्य टुलुटुलु हेरी रहेका सहायक प्रमुख जिल्ला अधिकारीले कार्यक्रम चलाउने भए प्रोटोकल अनुसार आसन ग्रहण गराउन मञ्चबाटै प्रस्तोतालाई झपारेका थिए ।
कार्यक्रममा उपस्थित नहुनेहरुलाई आसन ग्रहण हुनेको नामै लिएनन
शुरु देखी नै बेतिथी पूर्वक कार्यक्रम सञ्चालन गरेको जिल्ला प्रहरी कार्यालयका एक प्रहरी अधिकृतले कार्यक्रममा सहभागी नभएका दर्जन भन्दा बढीको नाम लिएर मञ्चमा बोलाएका थिए । तर कार्यक्रममा सहभागी भएका अन्यलाई भने उनले नामै लिएनन ।
कुनै पनि दलको सहभागिता भएन
जिल्लाको कार्यक्रम अन्तरर्गत निकै महत्व पूर्ण मानिएको यो कार्यक्रममा जिल्लामा क्रियाशिल कुनै पनि दलले सहभागीता जनाएनन । आयोजकले पटक पटक नाम लिएर मञ्चमा ढाकेता पनि दर्जन भन्दा बढी दलका कुनै पनि कार्यकता न कार्यक्रममा सहभागी भए न मञ्चमा नै ।
