• दशै नजिकिदै गर्दा पनि बजार अनुगमन भएन्

नरेन्द्र ढकाल/गोरखा
असोज ४ गते । बजार अनुगमन नहुँदा उपभोक्ताहरु मारमा परेको गुनासो आएको छ । हरेक वर्ष दशै तिहार जस्ता ठुला चाडपर्वका बेला अनुगमन गरे जस्तो गरिए पनि यस वर्ष सरोकारवाला निकायको ध्यान नपुग्दा उपभोक्ताहरु ठगिएका हुन् ।‘पसलै पिच्छे सामानको भाउ फरक छ, जस्ले जतिमा बेचे पनि कारवाही भएको छैन, खै त अनुगमन गरिएको ?’ गोरखा बजारको जिरा मसला पसलमा भेटिएका पालुङटारका विष्णुहरी देवकोटाले भने । दशै नजिकिदै गर्दा बजारमा उपभोक्ताहरुको चाप बढेपछि व्यापारीहरुले मनोमानी गरेका हुन् । जिरा, मसला, दैनिक उपभोग्य सामाग्री बेच्ने किराना पसल, फेन्सी पसल, कस्मेटिक पसलहरुमा मनपरी भाउ रहेकाले उपभोक्ता ठगिएका हुन् ।‘न खोजे जस्तो समान पाइन्छ, पाइहाल्यो भने पसलै पिच्छे भाउ फरक छ’ सिरानचोक ५ छोप्राककी सबिता घिमिरेले भनिन् । एउटै गुणस्तर र उही कम्पनीको सामान पनि पसल पिच्छे भाउ फरक परेको उपभोक्ताको गुनासो छ । तेल, चिनी, मसलाको भाउ हरेक पसलमा १० देखि ३० रुपयाँ सम्म फरक पर्ने गरेको हरमटारीमा भेटिएका सुक बहादुर गुरुङले भने ।‘गाउँमा भन्दा यहाँ सस्तो होला भनेर किन्न आको एउटा पसलमा गयो एउटा भाउ छ अर्कोमा त्यही मालको अर्कै भाउ छ राम्रो नराम्रो केही छुट्याउन सकिएन’ गुरुङले भने ।
केही दिन यता दशैको लागि सामान्न किन्न उपभोक्ताहरु बजारमा ओइरेपछि ठगिने क्रम पनि बढेको गुनासो आएको छ । तर दशै भेड्किसक्दा समेत बजार अनुगनका लागि सरोकारवालाहरुले चासो देखाएका छैन् ।‘अनुमन त नियमित गर्नुपछ चाडपर्वेका बेला झनै प्रभावकारी अनुगन आवश्यक छ तर प्रयाप्त अनुगमन हुन सकेको छैन्’ उपभोक्ता हक हित संरक्षण मञ्चका जिल्ला अध्यक्ष किशोरजंग थापाले भने । जिल्लामा बजार अनुगमनको काम प्रभावकारी नभएको सरोकारवालाहरुले नै स्वीकार गरिरहेका छन् । उद्योग बाणिज्य सघंले पनि उक्त कुराहरुलाई गम्भिर रुपमा नलिएको संघकै एक सदस्यले गोरखा समाचारको कुराकानीमा भने । ‘सक्नेले जे पनि गरिरहेका छन्, सानालाई ऐन ठुलालाई चैन जस्तो भएको छ’ उनले आक्रोश पोखे । अहिले गोरखा सदरमुकामका व्यापारी व्यवसायीको पसलमा मुल्य सुची समेत नभएको उपभोक्ताको गुनासो छ । उद्योग वाणिज्यको पहलमा पसलमा मुल्य सुचि टाँस गर्ने गरिएको भए पनि यसवर्ष अपडेट भएको छैन् ।
यता अनुगमन गर्ने मुख्य निकाय जिल्ला प्रशासन कार्यालयले सुक्ष्म रुपमा अध्यायन गरिएको बताएको छ ।‘जुनसुकै बेला अनुगमन गर्न सक्छौ, नियम उलंघन नगर्नुस भनेर बारम्बार चेतावनी दिइरहेका छौ’ सहायक प्रमुख जिल्ला अधिकारी केशवराज शर्माले भने । राज्यको निति नियम र उपभोक्ता अधिकारलाई वेवास्ता गरेर मनपनी गरेको भेटिए कडा कारवाही गर्ने उनले बताए । मुल्य सुचि नराख्ने,मनपरी मुल्यमा बेच्ने, ढक तराजु मिलाएर ठग्ने जस्ता कसुर गरेको भेटिए काला बजारी ऐन अन्तरगर्त कारवाही गर्ने प्रशासनले चेतावनी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए