गोरखा समाचार
साउन ३१ गते । गोरखा सदरमुकाममा जारी अन्तर मावि कोकाकोला कपमा वल्ड क्यापिटल मावी रानीवन र सेन्ट जोसेफ ११ किमी भिड्ने भएका छन् ।
शुक्रबार देखि भएको प्रतियोगिताको सेमिफाइनल पहिलो सेमिफाइनल खेलमा नवज्योती मावि डण्डिडाडा लाइ १(० को गोल अन्तरले हराउदै वल्ड क्यापिटल मावि रानीवनले बिजयी हुदै फाइनल यात्रा सुनिश्चित गरेको हो । त्यस्तै दोस्रो खेलमा सेन्ट जोसेफ ११ किमीले बाल मन्दिर मावि छहरेलाई ५(४ को गोल अन्तरले हराउदै फाइनलमा प्रबेश गरेको हो ।
निर्धारित समयमा गोल हुन नसकेपछि पेनाल्टी सुट आउट मार्फत सेन्ट जोसेफ बिजयी भएको जिल्ला फुटवल संघ गोरखाका अध्यक्ष हरिहर श्रेष्ठले जानकारी दिएका छन् । प्रतियोगीताको आज दिनको ३ बजे फाइनल खेल हुने अध्यक्ष श्रेष्ठको भनाई छ ।
प्रतियोगितामा १४ विद्यालय सहभागी थिए । आज हुने फाइनलको बिजेता विद्यालयले भने क्षेत्रीयस्तरको प्रतियोगिता मा सहभागी हुन पाउने आयोजकले जनाएको छ ।
