कैलासबावु श्रेष्ठ/गोरखा
फागुन २४ गते । चितवनमा रहेको लक्की मिडिया हाउसले चलचित्र पत्रकार संघ चितवन शाखालाई १० हजार रुपैयाँ आर्थिक सहयोग गर्नै भएको छ ।
चलचित्र क्षेत्रको विकास, प्रवद्धन र प्रचारमा निरन्तर सक्रिय मिडिया हाउसले संघलाई सम्मान स्वरुप नगद १० हजारसहित प्रदान गर्न लागेको हो । नेपालको सिने बजारको क्षेत्रमा चितवन शाखाले गरेको अतुलनिय योगदानको कदर गर्दै संघलाई रकम उपलब्ध गराउन लागेको लक्की मिडिया हाउस चितवनका अध्यक्ष हरि कार्की लक्कीले जानकारी दिनुभयो ।
संघ चितवन शाखाका अध्यक्ष राजकुमार लामिछानेले मिडिया हाउसले गर्न लागेको यो सम्मानले चलचित्र क्षेत्रको विकासका लागि अझै केहि गर्ने प्रेरणा मिल्ने बताउनुभयो । अध्यक्ष लामिछानेले आगामी दिनमा पनि लक्की मिडिया हाउसको निरन्तर सहयोगको अपेक्षा गर्दै मिडिया हाउसलाई धन्यवाद प्रकट गर्नुभयो ।
कार्की चलचित्र पत्रकार संघ चितवनका कोषाध्यक्ष पनि हुनुहुन्छ । उक्त रकम आगामी चैत्र १४ गते चलचित्र ूब्वाइफ्रेण्डूको विशेष शो गर्ने दिन एक कार्यक्रमकाबीच हस्तान्तरण गरिने छ ।
चलचित्र ब्वाइफ्रेण्डको विशेष शो पनि लक्की मिडिया हाउसले नै गर्न लागेको हो । चितवनमा रहेको लक्की मिडिया हाउसले चलचित्र क्षेत्रका हरेक गतिबिधिलाई प्राथमिकतामा राख्दै नयाँ तथा पुराना चलचित्रहरुको तिब्र रुपमा प्रचार प्रसार गर्दै आइरहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए