पुस १५, २०७३- नेपाल चौथो साफ महिला च्याम्पियनसिपको सेमिफाइनलमा प्रवेश गरेको छ । शुक्रबार श्रीलंकासँग भएको खेलमा नेपाल १-० को जित निकाल्दै सेमिफाइनलमा प्रवेश गरेको हो। समूह ‘ए’ मा तीनै खेल जित्दै नेपाल ९ अंकको साथ शीर्षस्थानमा रहेको छ ।

अब नेपालले सोमबार समिफाइनलमा समूह बी को उपविजेतासँग खेल्नेछ ।

म्याच कमिस्नरका अनुसार श्रीलंकाली खेलाडीले आत्मघाती गोल गरेकी थिइन् । शुक्रबार सिलगुडीको कञ्चनजंघा स्टेडियममा भएको खेलमा ८८ औं मिनेट सपना लामाले हानेको कर्नर किक श्रीलंकाली खेलाडीको खुट्टामा लागेपछि बल गोलपोष्टमा छिरेको थियो ।

श्रीलंकाकी आरडीएलआर गुनावर्दनकोले आत्मघाती गरेकी म्याच कमिस्नरको भनाइ छ ।

चौथो साफ महिला च्याम्पियनशिपमा अहिले नेपाल र श्रीलंका  भिडिरहेका छन् । खेलको ८८ औं मिनेट सपना लामाले पहिलाे गोल गर्दै नेपाललाई अग्रता दिलाएकी हुन् ।

भुटान र माल्दिभ्ससँगको खेलमा फराकिलो जित निकालेको नेपालले आशातित खेल प्रदर्शन गर्न सकेको छैन ।  श्रीलंकाली टीम आक्रामक देखिएको छ । उसले डिफेन्सीभ बलियो पारेको छ । नेपालकी स्ट्राइकर सावित्रा चल्न सकेकी छैनन । अनिता बस्नेत र सावित्राले पाएका केही राम्रा अवसर गुमाएका छन् ।

चौथो साफ महिला च्याम्पियनसिपमा अहिले नेपाल र श्रीलंका भिडिरहेका छन् । पहिलो हाफको खेलमा दुवै टिमबाट कुनै गोल हुन सकेको छैन । नेपालले गोल गर्ने धेरै मौका गुमाएको छ ।

६ अंकसाथ समूह ‘ए’ को शीर्ष स्थानमा रहेको नेपालको सेमिफाइनल यात्रा श्रीलंकासँगको खेलपछि निश्चित हुने छ । श्रीलंकालाई हराए नेपाल ९ अंकका साथ टीम विजेता बन्ने छ । कथमकदाचित पराजित भएपनि नेपालको सेमिफाइनल यात्रा रोकिने छैन । शुक्रबार नै दोस्रो खेलमा माल्दिभ्स र भुटान भिड्नेछन् । माल्दिभ्सले भुटानलाई हराएमा ६ अंकका साथ माल्दिभ्स पनि टीम उपविजेता बन्दै सेमिफाइनल प्रवेश गर्नेछ । श्रीलंका र माल्दिभ्स १ हार र १ जितका साथ ३/३ अंकका साथ दोस्रो र तेस्रो स्थानमा छन् । दुवै खेलमा पराजित भएकाले भुटानको अंक शून्य छ ।

श्रीलंका भुटानभन्दा थोरै बलियो र माल्दिभ्स भन्दा कमजोर टीम रहेको उसको प्रदर्शनवाट पुष्टि भइसकेको छ । त्यसकारण श्रीलंकालाई सहजै हराएर समूह विजेता बन्दै सेमिफाइनल पुग्ने कुरामा नेपाली टीम ढुक्क छ । ‘श्रीलंकालाई सहजै हराउने कुरामा हामी ढुक्क छौ’, कप्तान रेनुका नगरकोटीले सुनाइन् ।

उनले नेपालको चुनौती भारत मात्रै रहेको दाबी गर्दै अन्य टीमसंग खासै चिन्ता नरहेको बताइन् । नगरकोटीले भुटान र माल्दिभ्सविरुद्ध फराकिलो जित हात पारिसकिएको  र अव श्रीलंकालाई मात्रै त्यसैगरी हराउने नेपाली टीम आतुर रहेको बताइन् । सन् २०१२ मा श्रीलंकामै भएको दोस्रो साफ महिला च्याम्पियनशिपमा नेपालले श्रीलंकालाई सेमिफाइनलमा ३–० ले हराएर फाइनल पुगेको थियो । गत वर्ष सिलोङमा भएको साग फुटवलमा श्रीलंका नेपालसंग ४–० ले पराजित भएको थियो ।

श्रीलंकासंग नेपाली महिला टीम अहिलेसम्म पराजित भएको इतिहास छैन । यद्यपि नेपाली टीम श्रीलंकालाई हराउन उच्च मनोवलका साथ मैदान ओर्लिने छ । प्रशिक्षक कुमार थापाले  श्रीलंका भुटान भन्दा थोरै वलियो टीम भएको बताउँदै उसलाई पराजित गर्ने खेल रणनीति वनाएको बताए । ‘श्रीलंका खासै राम्रो टीम होइन’, कुमारले भने,‘नराम्रो पनि भन्न मिल्दैन । उसको प्रदर्शन अहिलेसम्म औसत छ । हाम्रो लक्ष्य जसरी पनि जित्ने नै हो, जित्छौ पनि ।’

यसैवीच विहीवार सम्पन्न खेलमा वंगलादेशले अफगानिस्तानलाई ६–० ले हराएको थियो । वंगलादेशवाट सविना खातुनले ह्याट्रिकसहित ५ गोल गरेकी थिइन् ।