कैलासबावु श्रेष्ठ/गोरखा
पौष १२ गते । गोरखा महोत्सव भएको पाँचौ दिन अर्थात मंगलबार ख्याती प्राप्त कलाकारहरुको प्रस्तुतीका कारण महोत्सवमा आएका सर्व साधारणहरुले भरपुर मनोरञ्जन लिन पाएँ ।
आयोजकले स्थानिय कला संस्कृतीलाई समेत प्रस्तुतीको समय उपलब्ध गराए अनुसार बिहानै गोरखा सदरमुकाम संग जोडिएको ताप्लेगाउँको नेवारी टाकटुके नाँचले समेत दर्शकलाई लोभ्याएको थियो । 
नाचमा महिला समेत समभागिता गराएको ताप्ले समूहका नेवार समूदायको नाँच हेर्न दर्शकको घुईचो नै लागेको थियो ।
दर्शकको उपस्थिती संगै राजधानी देखी आएका लोक गाएक पुरुषोत्तम न्यौपानेले पनि दर्शकलाई आफ्नो गितमा नचाएरै छाडे । लोक संस्कृतीमा आएको बिकृती बिसंगतीको खिल्ली उडाएका न्यौपानेले पटक पटक दर्शकलाई आफ्नो गित नराम्रो लागेको भए मञ्चबाट आफु बाहिरीन तयार रहेको कुरा जानकारी गराएका थिए ।
न्यौपानेले गोर्खाली श्रष्टा रामचन्द्र आर्यालको ‘चिन्ता बढ्यो झन रोएको रोएै छ खुशी छैन मन’ गित बाट शुरु गरेको उनले आधा दर्जन भन्दा बढी गित गाएका थिए । मनोरञ्जन लिन आएका सर्व साधारणलाई यो गितले भावुक बनाएको आभाष पाउना साथ गाएक न्यौपानेले ‘दुध मिठो चौरीको मह मौरीको…मायाँ सानीको मलाई मोहनी लगाई जानीको’ भन्ने गित गाएका थिए ।
दर्शकको उपस्थितीबाट जोशिएका न्यौपानेले ‘पानी घट्टमा, घाम जस्तो जुन हुदैन, कता बस्यौ चरी, आज मुग्लीन झरौ भोली बसमा चढौला र रुन्छ नि मन किन रुदैन’ भन्ने जस्ता दर्शक उचाल्ने गित गाएका थिए । उनको गितलाई उपस्थित दर्शकहरुले खुबै रमेर साथ दिएका थिए । 
कार्यक्रममा न्यौपानेले ऐतिहासिक भिमसेन थापा तथा पूर्व राजाहरुको समेत गित गाएका थिए ।
कार्यक्रममा स्कुले भाई बहिनीहरुले तामाङ्ग सेलोका साथै भोजपुरी गित समेत प्रस्तुत गरेका थिए ।
पाँचौ दिनमा भएको कार्यक्रममा गोर्खाली कलाकार भनेर चिनिएका हाँस्य कलाकार मरिचमान श्रेष्ठ (बल्छी) र अर्जुन माष्टरको समेत कलाकारलाई हसाएका थिए । चोटिलो प्रस्तुतीका लागि ख्याती कमाएका बल्छी र अर्जुन माष्टरको जोडीले फोटो प्रर्दशनी समेत अबलोकन गरेका थिए ।
कलाकारको ओहिरो नै लागेको पाँचौ दिनमा ख्याती प्राप्त गायक पशुपति शर्मा समेतको प्रस्तुतीले दर्शकलाई भरपुर मनोरञ्जन दिएको आयोजक संस्थाले दावी गरेको छ । 
शर्माले दर्शकलाई मनोरञ्जन दिन पहिलो पटक आफ्नो लोक प्रियक ‘मलाई अमेरीका यही…मलाई जापान पनि यही…मलाई बेलायत पनि यही’ भन्ने गित गाएका थिए । मञ्चमा आउनु अगाडी देखी नै दर्शकले पशुपतिको नाम लिएका थिए । शर्मा मञ्चमा आउनासाथै दर्शक दिर्घाबाट ताली र सिठीले भब्य स्वागत गरीएको थियो ।
दर्शकको मायाँ देखेर हौसिएका शर्माले दर्शकलाई नचाए नचाए आफु पनि जोडदार रुपले मञ्चमा नाचेका थिए । गायक शर्माले ‘झम झम दर्कियो पानी’ को गित गाउना साथै दर्शकहरुले समेत संगै गायका थिए । उनको गितमा दर्शकले निकै रमाइलो गरेको थाहा पाएका शर्माले ‘मायाँ भूल्ने के होला दबाई…दबाई पाए खाईदिन्थे नचबाई’ र ‘मेरो मायाँ बसेको ठाउँमा…बत्ती बाल्दै पर्दैन त्यो ठाउँँमा’ जस्ता आधा दर्जन गितहरु प्रस्तुत गरेका थिए । 
यता ठाडो भाखाका जन्मदाता भेडीखर्के साइलो भनेर चर्चित दिर्घराज अधिकारीले समेत आफ्नो प्रस्तुती गरेका थिए । उमेर ८४ कटेका भेडी खर्के साइलोलाई साथ दिएकी थिई आफु भन्दा ६ दशक कान्छी मञ्जु बिकले । दर्शकले निकै रुचाएको ठाडो भाखा गितमा उपस्थित सबैले साथ दिएका थिए । दुई चार टुक्का मात्र गाउने उद्वेश्यले माइक समातेका भेडी खर्के साइलोले दर्शकले गित मन पराएको पत्तो पाउनासाथ आधा घण्टा भन्दा बढी समय सम्म गित गाएका थिए । 
पाँचौ दिनको कार्यक्रममा विश्व नेपाली, प्राश्ना शाक्यको समेत प्रस्तुती भएको थियो ।
