कैलासबावु श्रेष्ठ/गोरखा
कार्तिक १८ गते । गोरखा जिल्लामा नै पहिलो पटक उत्पादन हुन लागेको दरौदी ए जलविद्युत गृहले नियमीत उत्पादनमा जान सकेको छैन । सम्पूर्ण तयारी पूरा भएको भएता पनि दशै, तिहार र छट जस्ता पर्वका कारण नियमीत उत्पादनमा ढिलाई भएको प्राविधिकहरुले जानकारी दिएको छ ।
भारतीय नाकाबन्दीका कारण तेल र निर्माण सामाग्रीको अभावमा १ बर्ष ढिला गरी निर्माण सम्पन्न भएको बिद्युत गृहले ६ मेघावाट बिद्युत उत्पादन गर्ने छ । असोज महिना भित्रै नियमीत प्रशारणमा जान लागेको गृहलाई चाढले छोपे पछि ढिलाई भएको हो ।
गृहबाट विद्युत उत्पादन भै विभिन्न चरणको कमीकमजोरी (फल्ट्) हेर्ने काम सकिएको भएता पनि सबै क्षेत्रका प्राविधिकहरु विभिन्न चाढ मनाउन घर गएका कारण केही दिन ढिला गरी उत्पादन हुने ईलेक्ट्रिकल ईन्जिनियर नबिन श्रेष्ठले जानकारी दिनुभयो ।
धेरै परिक्षण मध्ये केही सामान्य परिक्षण बाँकी भएको र सबै प्राविधिक जम्मा हुनासाथै हामी नियमीत प्रशारणमा जाने छौ ईन्जिनियर श्रेष्ठले भन्नु भयो । वहाँका अनुसार गोरखा बजार सम्म जाने बिद्युत लाइन बिस्तारका साथै आवश्यक सामाग्रीहरु जडान भै सकेको छ ।
बिद्युत गृह देखी गोरखा बजार सम्मको सब स्टेशनमा सम्म आउदाँ केही बिद्युत चुहावट हुने भएकोले अहिले नै कति मेघावाट गोरखा बजार सम्म पुग्छ भनेर भन्न नसकिने भन्दै ईन्जिनियर श्रेष्ठले केही साता भित्रै नियमीत प्रशारणमा जाने बताउनु भयो ।
गोरखा बजारमा भएको सब स्टेशनमा ३ मेघावाट क्षमताको भएका कारण त्यो बाहेकको बिद्युत केन्द्रिय प्रशारण लाइनमा जाने छ । कालिका हाईड्रो पावरले निर्माण गरेको उत्त बिद्युत गुह गोरखा जिल्लाको मुच्चोक गाउँ बिकास समितिको ढोडेनीमा पर्दछ । पानी बग्ने हेड्रेृस ४ किलो मिटर रहेको बिद्युत गृहमा सुरुङ्ग मार्ग ६ सय मिटर रहेको सञ्चालक पदम गुरुङ्गले बताउनु भयो ।
गृह रन अफ दि रिभर भएका कारण खोलामा पानीको अभाव हुने छैन । यता उत्पादीत बिद्युतले गोरखामा अहिले सम्म वितरण भएको बजार थेग्न सक्ने र लोडसेडीङ्ग समस्या हल हुने अनुमान गरीएको छ । बिद्युत गृह निर्माण सम्पन्न हुदाँ सम्म १ अर्ब १० करोड खर्च भएको अनुमान गरीएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए