कैलासबावु श्रेष्ठ/गोरखा
कार्तिक १० गते । नेपाल सरकारको महत्वकांक्षी बुढी गण्डकी जलविद्युत आयोजनाका लागि आवश्यक पर्ने गोरखा र धादिङ्गका सर्व साधारणहरुको जग्गाको लागि मात्रै ६० अर्ब भन्दा बढी खर्च हुने अनुमान गरीएको छ ।
बुढी गण्डकी डुवान क्षेत्रमा पर्ने जग्गाहरुको बर्गिकरण गरी रहेको बुढी गण्डकी बिकास समितिले उक्त रकम ढुवान क्षेत्रमा पर्ने सर्व साधारणहरुको जग्गाको मुअब्जामा खर्च हुने अनुमान गरेको हो । 
समितिका अध्यक्ष डा.लक्ष्मी देवकोटाका अनुसार ४० अर्ब भन्दा बढी डुबान क्षेत्रमा पर्ने जग्गाको मुअब्जाका साथै बस्ती स्थानान्तरण तथा अन्य काममा खर्च हुने भएकाले ६० अर्ब रुपैयाँ खर्च लाग्ने भएकोले सोही अनुसार बजेट तयार भएको बताउनु भयो । बुढी गण्डकी जलविद्यूत आयोजनाबाट १ हजार २ सय मेघावाट विद्युत उत्पादन हुने छ ।
समितिले अहिले विभिन्न तहमा गरी ११ प्रकृतीका जग्गा बर्गिकरण गरी रहेको छ । जस अनुसार धेरै बस्ती भएको क्षेत्र, मुल बाटोको दायाँ बायाँ क्षेत्र, मुख्य सडकको दायाँ बायाँको क्षेत्र, घना बस्ती बाहेकका क्षेत्रका साथै अबल, दोयम, सिम र चाहारमा पनि खेत र बारी गरी बर्गिकरण भै रहेको जनाएको छ । 
बर्गिकरण गर्ने काम अन्तिम चरणमा पुगेको भन्दै समितिले जग्गाको मुल्य निर्धारणका लागि गोरखा र धादिङ्ग जिल्लाको मुअब्जा निर्धारण समितिमा पठाउने तयारी गरीरहेको छ ।
तस्बिर गुगलबाट