कैलासबावु श्रेष्ठ/गोरखा
कात्र्तिक ९ गते । गोरखा जिल्लाको बेनी घाँट देखी छिमेकी देश चिन जोड्ने महात्वकाक्षी सड्क नेपाली सेनाले बनाउने भएको छ । उक्त सड्क निर्माणमा विभिन्न झमेला आउन थाले पछि नेपाल सरकारले नेपाली सेनालाई जिम्मा दिन लागेको हो ।
गोरखाको घ्याल्चोक गाउँ बिकास समितिको बेनी घाँट देखी लापु गाबिसको हावा डाडाँ सम्म कच्ची सडक निर्माण भै सकेको भएता पनि त्यस भन्दा माथिको भू भाग जटिल प्रकृतीको रहेको र विष्फोटक पदार्थ प्रयोग गरी निर्माण गरीनु पर्ने भएका कारण नेपाल सरकारले नेपाली सेनालाई जिम्मा लगाउने तयारी गरेको हो ।
उत्तरी गोरखाको सामागाउँ पुगी नेपाल सरकारका रक्षा मन्त्री बालकृण्ण खाँड र भौतिक योजना मन्त्रि रमेश लेखकले हवाई अबलोकन गरी हावा डाडाँ देखी लार्केपास सम्मको १ सय २० किलो मिटर सड्क नेपाली सेनालाई जिम्मा दिने बचन स्थानिय जनतालाई दिनु भएको हो ।
सामागाउँमा भएको एक कार्यक्रममा बोल्दै भौतिक पूर्वाधार तथा यातायात मन्त्रि रमेश लेखकले उत्त सड्क निर्माणका लागि सड्क विभागले नेपाली सेनालाई दिने निर्णय गरी सकेको बताए थिए । यो आर्थिक बर्ष बाटै नेपाली सेनाले काम गर्ने गरी १० करोड रुपैयाँ बिनियोजन भएको छ ।
सोही कार्यक्रममा सहभागी हुन पुगेको नेपाली सेनाका बिकास निर्देशनालयका प्रमुख उद्वव बिष्टले सरकारले दिएको जिम्मेवारी पुरा गर्न नेपाली सेना सक्षम र सबल भएको भन्दै कुनै पनि मुल्य चुकाएर भए पनि उक्त सड्क खनेर देखाउने प्रतिबद्वता जनाएका थिए । सामागाउँमा भएको उक्त कार्यक्रममा गोरखाका साँसदहरुको समेत सभागीता रहेको थियो ।
गोरखाको बेनी घाँट देखी लार्के सम्मको कुल १ सय ८५ किलो मिटर सडक मध्ये ६५ किलो मिटर सड्क बेनीघाँट–आरुघाट–हावा डाडाँ सम्पन्न भै सकेको छ । हावा डाडाँ देखी लार्के सम्मको १ सय २० किलो मिटर सड्क खन्न ५ अर्ब रुपैयाँ सम्म लाग्ने र कुनै बाधा बिरोध नभए ३ वर्षमा ट्रयाक तयार हुने सहभागी प्राविधिकहरुले कार्यक्रममा जानकारी गराए ।
यसै योजनालाई सहयोग पुग्ने गरी छिमेकी चिन सरकारले नेपालको ३७ नम्बर पिल्लर सम्म रोइला भञ्ज्याङ्ग सम्म कच्ची सडक तयार गरी सकेको छ । उक्त सड्क बनेको खण्डमा उत्तरी गोरखाको बिकट मानिने ७ गाविसले फाइदा उठाउने नै छ सोही सड्क भएर अन्य ६ गाविसले पनि सेवा र सुविधा उपभोग गर्ने छ भने सभ्वत यो सड्कले चिन र नेपालको तराई जोड्ने छोटो सड्कको रुपमा परिचय पाउने छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए