२ कात्तिक, मुगु । मुगु जिल्लामा यस वर्ष स्याउको उत्पादन घट्ने भएको छ । स्याउन राम्रो उत्पादन हुने ताल्चा विमानस्थल आसपालको क्षेत्रमा यस वर्ष स्याउन नफलेपछि उत्पादनमा ह्रास आउँने देखिएको हो ।
स्याउ उत्पादन नभएपछि स्याखेतीमा भर पर्दै आएका किसान समस्यामा परेका छन् ।
सडकसँगको पहुँच नजिक भएका किसानहरु केही वर्षदेखि अन्य वाली छाडेर स्याउ खेतीमा लागेका थिए । तर यस वर्ष स्याउ उत्पादन नहुने भएकापछि उनीहरु मर्कामा परेका हुन् ।
फूल राम्रो फुलेकाले यस बर्ष स्याउको उत्पादन बढ्ने सोचेका किसानहरु फल नलागेपछि निरास भएका हुन् । स्याउ भण्डारणका लागि निर्माण गरिएको सित गृह र प्याकिङका लागि मगाइएका कार्टुन अहिले रित्ता र काम विहिन छन् ।
ताल्चाकी विष्णुमाया रोकायाले स्याउ उत्पादन घटे पछि अव के गरेर घर खर्च चलाउने भन्ने चिन्ताले सताएको बताइन् ।
स्याउको बोटलाई बर्षभरी कम्तिमा १ हजार घण्टा शून्य डिग्री भन्दा कम तापक्रममा रहनु पर्नेमा गत बर्षको खडेरीले चिस्यान नपुगेकै कारण स्याउ उत्पादन ७५ प्रतिशत घटेको जिल्ला कृषि विकास कार्यलय मुगुका वागवानी शाखाका तेज बिक्रम मल्लले बताए ।
onlinekhabar