२७ असोज, काठमाडौं । काठमाडौंको चन्द्रागिरी पुगेर २७ हजारले दशैंको विदा मनाएका छन् । केही समयअघि देखि खुलेको केबलकार चढेर झण्डै २७ हजारभन्दा बढीले चन्द्रागिरीको यात्रा गरेको चन्द्रागिरी हिल्स लिमिटेडले जनाएको छ ।
चन्द्रागिरीमा रहेको भालेश्वर महादेव मन्दिर सबैभन्दा बढी आकर्षणको केन्द्र बनेको छ । सँगै चन्द्रागिरीको प्राकृतिक सौन्दर्यता, ऐतिहासिकता र त्यहाबाट दखिने काठममाडौं उपत्यका तथा चित्लाङ गाउँको मनोरम दृश्यावलकेनका लागि दशैंको विदा मनाउनेको भीड लागेको हो ।
चन्द्रागिरीमा अब काठमाडौंमा नयाँ पर्यटकीय गन्तब्य बनको छ । झन दशैंमा लागेको भीडले चन्द्रागिरी अब थप चम्किने संकेत गरेको छ । चन्द्रागिरी पुग्नेहरुको संख्या दिनप्रतिदिन बढ्दै गएको हिल्सकी सेल्स एण्ड मार्केटिङ एक्जिक्युटिभ इन्दिरा पौडेलले जानकारी दिइन् ।
चन्द्रागिरी दशैंको टिकाको दिन मात्रै बन्द भएको थियो । चन्द्रागिरीमा फुलपाति, महाअष्टमी, महानवामी र एकादशीको दिनमा कुल २० हजारले भ्रमण गरेका छन् । बिहिबार पनि ७ हजारभन्दा बढीले चन्द्रागिरी भ्रमण गरेको उनले बताइन् ।
दशैंको अवसरमा कोजाग्रत पूणिर्मासम्म विदा सदुपयोग गर्नेहरु अझै ठूलो संख्यामा पर्यटक त्यहाँ पुग्ने कम्पनीका विश्वास छ । चन्द्रागिरी रिफ्रेसमेन्टको उपयुक्त गन्तव्य भएकोले पनि त्यहाँ जानेहरुको संख्या दिनप्रतिदिन बढ्दै गएको हो ।
थानकोटबाट नौदेखि १४ मिनेटमा चन्द्रागिरीको चुचुरोमा पुगिने केबलकार यात्राको लागि ७ सय रुपैयाँ भाडा निर्धारण गरिएको छ ।
onlinekhabar
