कैलासबावु श्रेष्ठ/गोरखा
असोज २७ गते । गोरखा जिल्लाको मुच्चोक गाउँ बिकास समितिको ढोडेनीमा निर्माण सम्पन्न भएको दरौदी ए जल बिद्युत परियोजनाले परिक्षण उत्पादन थाले संगै जिल्ला सदरमुकाममा रहेको सव स्टेशनको समेत क्षमता बृद्वीका लागि तिब्र गतीमा काम भै रहेको छ ।
६ मेघावाट क्षमतामा विद्युत उत्पादन गर्न सक्ने उक्त परियोजनाले असोजको चौथो हप्ता देखी उत्पादन थालेर परिक्षण गरीरहेको छ । रन अफ दि रिभरको परिकल्पनामा तयार पारीएको उत्त परियोजनाले अबको २ साता पछि विधीवत रुपमा नेपाल बिद्युत प्राधिकरणलाई उत्पादीत बिद्युत विक्री गर्ने भएको छ । 
कालिका हाड्रो पावरले निर्माण सम्पन्न गरेको उक्त बिद्युत उत्पादन गृह भने १ बर्ष ढिला गरी निमाृण सम्पन्न भएको हो । गएको असार मसान्त अगाडी नै परिक्षण प्रशारण गरी नेपाल विद्युत प्राधिकरणलाई विद्युत बेच्ने तयारी गरेको भएता पनि बिनाशकारी भूकम्प र त्यस लगत्तै भारतले गरेको नाकाबन्दीका कारण कच्च पदार्थको अभावले निर्माणमा ढिलाई भएको थियो । 
उत्पादीत सबै बिद्युत गोरखा सदरमुकाममा रहेको सव स्टेशनमा जोडीने भए पछि सव स्टेशनलाई क्षमता बृद्वी गर्न लागिएको नेपाल विद्युत प्राधिकरण गोरखा शाखाले जानकारी दिएको छ । हाल ३ एमभिए क्षमता मात्र भएको ट्राष्मीटर रहेकोले क्षमता बृद्वी गरी ८ केभिए को राखीने भएको छ । यो काम समेत केही दिन भित्रै सम्पन्न हुने कार्यालयले जानकारी दिएको छ । 
क्षमता बृद्वी संगै दरौदी ए परियोजना गोरखा सदरमुकाममा रहेको सब स्टेशनमा जोडीने वित्तीकै गोरखा बजार र वरपरलाई गर्दै आएको लोडसेडीङ्ग समस्या हल हुनुका साथै बढी भएको विद्युत केन्द्रिय प्रशारण लाइनमा पठाइने भएको छ ।
सम्पन्न भएको परियोजना १ अर्ब १० करोड खर्च भएको अनुमान गरीएको छ ।
