कैलासबावु श्रेष्ठ/गोरखा
असोज ९ गते । भलिबल खेलमा पछाडी रहेको गोरखा जिल्लामा पहिलो पटक जिल्लाकै ठुलो राशी भएको भलिबल प्रतियोगिता हुने भएको छ । एक लाख राशीको हुने उक्त भलिबल प्रतियोगिता गोरखाको छेवेटारमा हुन लागेको हो ।
गोरखा नगरपालिका ९ को छेवेटार बजारमा रहेको सुर्योदय युवा परिवारले हिन्दु नेपालीहरुको महान चाढ बिजयाँ दशमीको पूर्व सन्ध्यामा असोज १७ गते देखी प्रतियोगिताको आयोजना गर्न लागेको परिवारका अध्यक्ष प्रदिप कुवरले जानकारी दिए ।
जिल्लामा नै पहिलो पटक यति ठुलो राशीको भलिवल प्रतियागिता हुन लागेको यो नै पहिलो पटक हो । खेल अवधी भर ५ लाख भन्दा बढी खर्च हुने अनुमान गरेको युवा परिवारले सहभागी हुन आउनका लागि प्रचार प्रसारलाई तिब्र पारेको छ ।
सामाजिक क्षेत्रमा सामाजिक काम गर्दै आएको उत्त समूहले पहिलो पटक भलिवल प्रतियोगिता गर्न लागेको हो । सहभागि समूहबाट दर्ता शुल्क स्वरुप प्रति समूह ६ हजार लिन लागेको युवा परिवारले प्रथम हुने समूहलाई १ लाख नगद, ट्रफि, मेडल र प्रमाण पत्र दिने छ भने दोस्रो हुने समूहलाई ५० हजार नगद प्रदान गर्ने छ ।
त्यस्तै गरी प्रतियोगितामा तेस्रो हुने समूहलाई २५ हजार र सान्वना नगद ५ हजार उपलब्ध गराउने जानकारी दिएको छ । भलिवल प्रतियोगिताका लागि युवा परिवारले तयारीलाई तिब्र पारेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए