कैलासबावु श्रेष्ठ/गोरखा
भाद्र २१ गते । प्रधानमन्त्री पुष्पकमल दाहालले मुलुकमा भित्रिरहेको रेमिटेन्सबाट पुँजीगत आधार बनाउन सचेत र सार्थक पहल गर्नुपर्ने बताउनुभएको छ ।
नेपाल आर्थिक सङ्घको रजतजयन्तीको मंगलबार काठमााडौंमा उद्घाटन गर्दे प्रधानमन्त्री दाहालले रेमिटेन्सलाई दिगो उत्पादनशील क्षेत्रमा लगानीको अवसर सिर्जना गर्नुपर्ने बताउनुभयो । उहाँले आर्थिक विकासका लागि अवलम्बन गर्नुपर्ने खाकामा बुद्धिजीवी तथा अर्थशास्त्रीले अर्थपूर्ण र व्यावहारिक योजना बनाउने आशा आफूले लिएको धारणा राख्नुभयो ।
प्रधानमन्त्री दाहालले संविधानले सङ्घ, प्रदेश र स्थानीय तहले आफ्नो अधिकार क्षेत्रभित्र आर्थिक अधिकारसम्बन्धी विषयमा कानुन बनाउने, वार्षिक बजेट बनाउने लगाएतका अधिकारले राज्यका तहबीचको स्वायत्तताको प्रत्याभूति गरेको स्पष्ट पार्नुभयो ।
सङ्घीयताको प्रयोगलाई कसरी प्रभावकारी र जनहितमा केन्द्रित बनाउन सकिन्छ भन्ने विषय वर्तमान सरकारको प्रमुख प्राथमिकता भएको बताउँदै प्रधानमन्त्री दाहालले विभिन्न तहमा वित्तीय सन्तुलन र सुशासन उत्तिकै महत्वपूर्ण रहेको बताउनुभयो ।
कार्यक्रममा सङ्घका अध्यक्ष प्रा.डा.विश्वम्भर प्याकु¥यालले राजनीतिक दलले आर्थिक विषयलाई प्राथमिकतामा राखेर नीति निर्माण गरी प्रतिबद्ध भएर लाग्नुपर्नेमा जोड दिनुभयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए