कैलासबावु श्रेष्ठ/गोरखा
भाद्र ५ गते । ०७२ बैशाख १२ गतेको बिनाशकारी भूकम्पको केन्द्रविन्दू गोरखाको बारपाक गाउँ विकास समितिका सर्व साधारणहरले आफ्नो घर आफै बनाउ निती अन्तरगत भत्कीएका घरहरु पुनःनिर्माण कार्यलाई तिब्रता दिन थालेका छन । बिनाशकारी भूकम्प पछि खेत, बारी तथा पाखोमा त्रिपाल मुनी बस्दै आएका उनीहरुले सरकारले दिने भनेको अनुदान रकमको बेवास्ता गर्दै पुरानै शैलीमा घरहरु निर्माण गर्न थालेका छन । 
परम्परागत घर निर्माण गर्दै बारपाक बासी
बिनाशकारी भूकम्प लगत्तै सरकारले सर्व साधारणका घर निर्माणका लागि दिने भनिएको २ लाख रुपैयाँ लिने प्रकृया जटिन भएको भन्दै गोरखा बारपाक बासीले आफ्नो गक्ष अनुसार घर निर्माण गर्न थालेका हुन । लामो बर्षा त्रिपालमा नै बिताएका उनीहरुले मुस्किलले सरकारी अनुदानको पहिलो किस्ता गोरखा बजारमा नै पुगेर बुझे भने बाँकी रकम लिन भने कोही पनि गोरखा बजार नजाने भएका छन । बारपाकमा नै ल्याएर बैंकले रकम बितरण गरे बुझने तर गोरखा बजार पुगेर रकम नलिने भएका हुन । बारपाक देखी बजार सम्म पुग्दा अहिले बर्षाका बेला १० देखी २० हजार रुपैयाँ सम्म खर्च भएको भन्दै बारपाक बासीले बाँकी रकम गाउँमा नै बितरण भए बुझने भएका हुन । 
बिनाशकारी भूकम्प पछि निर्माण भएका घरहरु जसमा रंगिन जस्ता पाता प्रयोग गरीएको छ ।
गाविस भित्र १ हजार २ सय ९४ लाभग्राही रहेको सूची सार्वजनिक भै सकेको छ । तर शारीरिक रुपमा अशक्त, बृद्धबृद्धाहरु गोरखा सदरमुकाम सम्म पुग्न नसक्दा केही सम्झौता अझै हुन सकि रहेको छैन । यता सम्झौताकै लागि गोरखा सदरमुकाम तर्फ आउदै गरेको एक बृद्वाको हिजो दिउसो मात्रै राङ्गरुङ्ग भिरबाट लडेर मृत्यु समेत भै सकेको छ । 
भूकम्पको केन्द्र बिन्दु मानिएको बारपाकको मान्द्रे गाउँ
केन्द्र बिन्दु भएकै कारण जती पनि एन.जि.ओ.र आई.एन.जि.ओ.छन सबै खनिएकै छन । घर बनाउनका लागि तालिम देखी विभिन्न आडम्बरमा खर्चको खोलै बगाएको भएता पनि भूकम्प प्रतिरोधी घर निर्माणका लागि गरीएका सबै प्रयास बालुवामा पानी हाले सरी भै सकेको छ । 
बिदेशी संघ संस्थाले भूकम्प प्रतिरोधी घर बनाउन सिकाने प्रयास स्वरुपको डमी
यसै बिच केही घरहरु बलियाँ बनाउने बहानामा रड र सिमेन्ट प्रयोग गरी बनाउन समेत थालीएको भएता पनि स्थानियको आफ्नै सिप मात्र प्रयोग हुदाँ त्यहाँ समेत भूकम्प प्रतिरोधी घर निर्माण हुने कुरामा शंका उत्पन्न हुन थालेको छ । आउनुहोस हामी पनि हेरै बिनाशरकारी भूकम्पको केन्द्र बिन्दु रहेको बारपाक बासीले कस्ता कस्ता घर निर्माण गरी रहेका छन त ? 
कंक्रिट घर निर्माण गर्दै बारपाक बासी
कंक्रिट घर निर्माण लागि गिटी कुट्दै बालबालिका
घर निर्माणका लागि काठ ल्याउदै स्थानिय
बिनाशकारी भूकम्प पछि निर्माण भएका घरहरु
बिनाशकारी भूकम्प पछिको बारपाक गाउँ
बारपाक गाउँमा बन्दै गरेको परम्परागत काठे घर
बिनाशकारी भूकम्प जानु अघिको बारपाक गाउँ