कैलासबावु श्रेष्ठ/गोरखा
श्रावण २६ गते । नेपाल विद्यार्थी संघको ११ औं महाधिवेशनमा प्रतिनिधि छनौटमा देखिएको विवाद समाधान भएको छ । विवाद समाधान संगै आजै देखी बन्दशत्र सञ्चालनमा आउने भएको छ ।
मंगलबार राति निर्देशक समितिले विवाद टुंग्याएपछि अवरुद्ध महाधिवेशनको प्रक्रिया अघि बढ्ने नेविसंघले जनाकारी गराएको छ । कांग्रेस नेता प्रकाशशरण महत संयोजक रहेको निर्देशक समितिले सबै विवाद प्याकेजमा समाधान गरेको बताइएको छ ।
११ जिल्लामा प्रतिनिधि छनौटबारे विवाद हुँदा बन्द सत्र सुरु हुन सकेको थिएन । सोमबार र मंगलबार रोकिएको बन्द सत्र आज सुरु हुने बताइएको छ । विधि र प्रक्रियाबाट बनेको कार्यसमिति र महाधिवेशन प्रतिनिधिलाई मात्र अधिवेशनमा सहभागी गराउनुपर्ने मागका बीच विवाद बढेको थियो ।
तर समानान्तर कमिटीबाट छानिएका प्रतिनिधिले पनि महाधिवेशनमा भाग लिन पाउनुपर्ने अर्को पक्षको मागका बीच केही विद्यार्थी अनसन समेत बसेका थिए । दुवै पक्षलाई चित्त बुझ्नेगरी ११ जिल्लाका प्रतिनिधिको नाम थपघट गरी विवाद मिलाउने सहमति भएपछि अनसनमा बसेका विद्यार्थीहरुले पनि आजै अनसन तोड्ने तयारी छ । शुक्रबारसम्ममा नयाँ नेतृत्व चयन भइसक्ने नेविसंघले जनाएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए