सबैभन्दा बढी दाखिला गर्ने पहिलो, दोस्रो र तेस्रो नम्बरमा एनसेल, दूरसञ्चार कम्पनी (नेपाल टेलिकम) सूर्य नेपाल र गोर्खा बु्रअरी यथावत छन् । एनसेलको गत आर्थिक वर्षमा खरिदबिक्रीमा पुँजीगत लाभकरको विवादमा परे पनि उसले आंशिक रूपमा बुझाएको लाभकरको कारण उसको कर सहभागिता ह्वात्तै बढ्यो । एनसेलले गत आर्थिक वर्ष २८ अर्ब ५० करोड ७४ लाख रुपैयाँभन्दा बढी कर दाखिला गरेको छ ।

यसमा आयकरनै २० अर्ब ८५ करोड २१ लख ८९ हजार रुपैयाँ छ । आर्थिक वर्ष २०७१/७२ मा एनसेलले १७ अर्ब ०५ करोड २० लाख रुपैया“ कर दाखिला गरेको थियो । बिक्री भएपछि झन्डै १० अर्ब रुपैयाँ उसले स्रोतमा करकट्टी गरेको थियो । यसैले दोस्रो स्थानमा रहेको टेलिकमस“ग एनसेलको दूरी झन्डै १५ अर्ब रुपैयाँ पुग्यो । टेलिकमले १३ अर्ब ७५ करोड ५३ लाख ८० हजार कर दाखिला गरेको थियो । आर्थिक वर्ष २०७१/७२ मा एनसेलले टेलिकमभन्दा पाँच अर्ब रुपैयाँ बढी दाखिला गरेको थियो ।

बढी कर तिर्ने कम्पनीको तेस्रो नम्बरमा रहेको सूर्य नेपाल प्रालिले गत आर्थिक वर्ष आयकर बापत तीन अर्ब १८ करोड रुपैयाँ आयकरसहित पाँच अर्ब ७० करोड रुपैयाँ कर बुझाएको छ । यस्तै बढी कर तिर्ने चौंथो कम्पनीका रूपमा उद्योगतर्फबाट गोर्खा ब्रुअरी प्रालि परेको छ । गोर्खा ब्रुअरी प्रालिले गत आर्थिक वर्ष आयकर बापत एक अर्ब ५६ करोड रुपैयाँ आयकरसहित तीन अर्ब २१ करोड रुपैयाँ कर तिरेको छ । सूचीमा एकाएक पाचौ नम्बरमा आइपुगेको छ, नेपाल आयल निगम ।

गत वर्ष तेलको मूल्यमा गिरावट आए पनि समायोजनामा ढिलासुस्ती गरेको निगमले ठूलो मुनाफा गरेको हो । उसले एक अर्ब ३९ करोड ४० लाख २३ हजार रुपैयाँ त आयकरनै दाखिला गरेको छ ।

यस्तै छैटौं नम्बरमा वाणिज्य बैंकको तर्फबाट नबिल बैंक लिमिटेड परेको छ । नविल बैंकले गत आर्थिक वर्ष एक अर्ब ४५ करोड आयकरसहित एक अर्ब ६७ करोड रुपैयाँ कर दाखिला गरेको छ । एक अर्ब ३४ करोड रुपैयाँ आयकरसहित एक अर्ब ६४ करोड रुपैयाँ कर तिरेर सातौं नम्बरमा नेपाल इन्भेस्टमेन्ट बैंक लिमिटेड रहेको छ ।

आठौं स्थानमा सरकारी स्वामित्वमा रहेको नेपाल बैंक लिमिटेड एक अर्ब २५ करोड रुपैयाँ आयकरसहित एक अर्ब ३१ करोड रुपैयाँ कर बुझाएको छ । नवौं स्थानको सिप्रदी ट्रेडिङ प्राइभेट लिमिटेडले एक अर्ब २३ करोड तीन लाख ८९ हजार रुपैयाँ दाखिला गरेको छ जसमा आयकर ७१ करोड ४१ लख ८० हजार रुपैयाँ छ । दसौं स्थानको नेपाल नागरिक उड्डयन प्राधिकरणले एक अर्ब २२ करोड ५१ लख दाखिला गर्‍यो । उसले आयकर ७१ करोड १४ लाख ९५ हजार रुपैयाँ आयकर थियो ।

यसअघि सातौं स्थानमा रहेको कृषि विकास बैंक लिमिटेड एक अर्ब रुपैयाँ आयकरसहित एक ६ करोड रुपैयाँ कर बुझाएर एघारौं स्थानमा झरेको छ । यस्तै यसअघि दसौं स्थानको हिमालयन बैंक लिमिटेडले गत आर्थिक वर्ष एक अर्ब तीन करोड रुपैयाँ आयकरसहित एक अर्ब १५ करोड रुपैयाँ कर दाखिला गरी बाह्रौ स्थानमा झर्‍यो ।

annapurnapost