कैलासबावु श्रेष्ठ/गोरखा
श्रावण २५ गते । नेपाली कांग्रेसको भ्रातृसंगठन नेपाल विद्यार्थी संघको ११ औं महाधिवेशनको बन्दसत्र बुधबारसम्मका लागी स्थगीत भएको छ ।
प्रतिनिधि चयन सम्बन्धी विवाद नमिले पछि बुधबार बिहानसम्मका लागि बन्दसत्र स्थगित गरिएको हो ।
शनिबार उद्घाटन गरिएको महाधिवेशनको बन्दसत्र सोमबार नै सुरु हुनुपर्ने थियो । मंगलबार बिहानैदेखि विवाद मिलाउने प्रयास भएपनि कुरा मिल्न नसकेको बुझिएको छ । ११ ओटा जिल्लामा रहेको प्रतिनिधि चयनको विवाद मिलाउन माग गर्दै केही विद्यार्थीहरु नेपाली कांग्रेसको केन्द्रीय कार्यालय सानेपामा अनशन बस्दै आएका थिए । उनीहरुको स्वास्थ्य अवस्था नाजुक भएकाले अस्पताल भर्ना गरिएको छ ।
यसैबीच, विद्यार्थी प्रतिनिधिहरुले प्रतिनिधि विवाद समाधान गरेर मात्रै बन्दसत्र अघि बढाउन माग गर्दै महाधिवेशन स्थलबाहिर व्यापक प्रदर्शन गरेका छन् । उनीहरुले अनसनमा रहेकाहरुको जीवनरक्षा गर्न र तत्काल विवाद मिलाउन माग गरेका हुन ।
प्रदर्शनका क्रममा प्रहरीसँग केहीबेर झडप समेत भएको छ । महाधिवेशनले एक अध्यक्ष, ११ उपाध्यक्ष, दुई महामन्त्री, १३ सहमहामन्त्री र एक कोषाध्यक्ष सहित १ सय २९ सदस्यीय नयाँ कार्यसमिति चयन गर्नुपर्ने छ । अध्यक्षका लागि कम्तिमा ८ जनाले दाबी गरेका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए