कैलासबावु श्रेष्ठ/गोरखा
श्रावण २१ गते । साउदी अरेबियामा चरम आर्थिक समस्या सँगै त्यहाँ काम गर्दै आएका सयौं नेपाली कामदार प्रभावित भएका छन । धेरै जसो कामदारले लामो समय देखि तलब नपाएको र केहीले रोजगारी नै गुमाएको त्यहास्थित नेपाली दुतावासले जनाएको छ ।
अनौपचारिक अनुमानमा करिब ४ लाख नेपाली कामदार साउदी अरेबियामा काम गरी रहेका छन । कच्चा तेलको मूल्यमा लगातार आएको गिरावटका कारण साउदी अरेबियाको अर्थतन्त्र हाल चर्को समस्यामा परेको र त्यसको मार त्यहाँ कार्यरत नेपालीमा पनि परेको हो ।
केही सरकारी परियोजनामा काम गर्ने नेपाली कामदारले विगत ३ र ४ महिना देखि तलब पाउन नसकेको र कतिपयले रोजगारी गुमाउनु परेको बीबीसीले समेत जनाएको छ ।
हाल सम्म ७३ जना नेपालीले साउदी अरेबिया स्थित नेपाली दूतावासमा सहयोगका लागि निवेदन दिएको दुतावासले जनाएको छ । कम्पनी बन्द भएका कारण अलपत्र अवस्थामा रहेका नेपाली कामदारलाई घर फर्काउने प्रयास भैरहेको साउदी अरेबियाका लागि कार्यवाहक नेपाली राजदूत आनन्द प्रशाद शर्माले बताएका छन ।
भारत, पाकिस्तान लगायतका देशहरुले साउदी अरेबियामा बेरोजगार भएर अलपत्र परेका आफ्ना देशका कामदारको बाँकी तलब उपलब्ध गराउन र स्वदेश फर्कन चाहनेलाई फर्काउन प्रयास गरिरहेका छन ।
गत वर्ष मात्रै एक लाख भन्दा बढी नेपाली कामका लागि साउदी अरेबिया पुगेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए