कैलासबावु श्रेष्ठ/गोरखा
आषाढ ३१ गते । बिनाशकारी भूकम्प पछि गोरखा जिल्लामा कार्य गर्दै आएको आईएनएफ नेपालले गोरखामा १ सय ८ घर निर्माण गर्ने भएको छ । उक्त घर भूकम्प जानु अघि वा पछी अपांगता भएका ब्यक्तीहरुका लागि हुने छ ।
‘गोरखा पुनःस्थापना÷पुनःनिर्माण र सामुदायिक सशक्तिकरण परियोजना’ नाम दिएर आएको परियोजनाले गोरखा जिल्लाको छोप्राक गाबिस मा ७६ घर, मुच्चोकमा २९ र पालुङ्गटार नगरपालिकामा ३ घर गरी कुल १ सय ८ घर निर्माण गरीने आईएनएफ को गोरखा कार्यालयले जानकारी दिएको छ ।
भूकम्प लगत्तै बिभिन्न सहयोग गर्दै आएको परियोजनाले उत्त क्षेत्रमा भूकम्प अघि र पछि भएका अपांगहरुको परिवारलाई पहुच र सुहाउदो समाबेशी र भूकम्प प्रतिरोधात्मक घर निर्माण गर्न लागेको हो । नेपाल सरकारले बितरण गर्ने २ लाख बराबरकै सहयोग र अपांगता भएका कारण थप ५० हजार गरी कुल २ लाख ५० हजारमा परियोजनाले घर निर्माण गर्न खोजेको हो ।
परियोजना अन्रतर्गत सन २०२० सम्ममा यि घरहरु निर्माण सम्पन्न भै सक्ने छन । यस्तै गरी परियोजनाले गोरखाको आरुपोखरी, आरुचनौटे, स्वाराँ, सौरपानी, हंशपुर, जौबारी, मुच्चोक, थालाजुङ्ग, छोप्राक र पालुङ्गटार नगरपालिकामा शुष्म अध्ययन गरी १ हजार ३ सय २२ जना अपांगहरुको बसोबास रहेको तथ्य सार्बजनिक गरेको छ ।
परियोजनाले सन ०२० सम्ममा प्रशासनिक तथा भौतिक निर्माण तर्फ गरी २४ करोड १५ लाख ४९ हजार ९७ रुपैयाँ खर्चीने भएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए