जेष्ठ २४, २०७३- दक्षिण एसियाली मुलुकहरुको केन्द्रको रुपमा रहेको काठमाडौंबाट चार भारतीय चेलीले ‘बेटी बचाओ बेटी पढाओ’ अभियान आरम्भ गरेकी छन् । लैनचौर स्थित भारतीय दूतावासबाट उनीहरुको मोटर बाइक यात्रा आरम्भ भएको हो । उनीहरुले छोरीलाई बचाउने र उच्च शिक्षा दिलाउने अभियान प्रवर्द्धनको लागि यस्तो साहसिक यात्रा आरम्भ गरेका हुन् ।

उनीहरुले काठमाडौंबाट मोटरसाइकल यात्रा आरम्भ गरेका हुन् । उनीहरुले आफ्नो यात्रा सार्क अध्यक्ष मुलुक नेपालको काठमाडौंबाट आरम्भ गर्दै दक्षिण एसिया तथा दक्षिण पूर्वि एसियाली मुलुक भारत, बंगलादेश, भुटान, म्यानमार, थाइल्याण्ड, लाओस, कम्वोडिया, भियतनाम, मलेसिया र सिंगापुर पुग्ने बताएका छन ।  यात्रा ३६ दिनमा पुरा गर्ने समेत बताएका छन् ।

साइकोलोजीमा विद्यावारधी गरेकी डा. सारिका मेहताको नेतृत्वमा उक्त टोली काठमाडौं आएर आफ्नो मोटरसाइकल यात्रा आरम्भ गरेको हो । उनीहरुले नेपाल दक्षिण एसियाको हव भएको कारण यहाँबाट यात्रा आरम्भ गरेको समेत जानकारी दिएका छन् । दक्षिण एसियाली क्षेत्रीय सहयोग संगठन सार्कको मुख्यालय काठमाडौंमा रहेकोले नेपाल यस क्षेत्रको केन्द्रको रुपमा लिइन्छ ।

मेहता गुजरात राज्यबाट बेटी बचाऔ बेटी पढाऔ अभियानको ब्रान्ड एम्वास्डर समेत रहेकी उनले यस क्षेत्रमा छोरीलाई जन्म नदिने, जन्मिए पनि छोरा सरह हेरचाह नगर्ने जस्ता पुरानो सोचाई अझै बाँकी रहेको भन्दै यसको परिवर्तनको लागि अभियान थालिएको बताएकी छन् ।

उनले हिमाल आरोहण र अन्य विभन्न युरोपेली मुलुकमा पनि मोटरसाइकल यात्रा गरेकी जानकारी दिइएको छ । मेहतासँग युग्मा देसाई पनि छिन् । उनी इन्टेरियर डिजाइनर हुन । उनले यस अघि पनि यस्तो अभियना आफैले संचालन गरेकी थिइन । सडक सुरक्षा, लागू औषधको उपयोग नगरौ, सामाजिक सदभाव कायम राखौ लगायतको अभियानमा थिइन । ख्याती एन देसाई अर्की सहभागि हुन् । उनी मानव संसाधान विकासमा स्नाकोत्तर रहेकी उनी आफ्नो छोरीलाई समय दिन पर्नेमा जोड दिइएको छ ।

एक बच्चाकी आमा समेत रहेकी डुरिया एम तपि पनि यो यात्रामा छिन । उनले ३० हजार भन्दा बढी यस्तो यात्रा गरिसकेकी छन । क्लव बाइकिङ क्विनको सदस्य समेत हुन् । भारतीय राजदूत रणजित रायले उनीहरुको मोटरसाइकल यात्रा आरम्भ गराउदै यो राम्रो काम भएको बताउदै सफलताको कामना गरेका थिए । दूतावास परिसरमा उनीहरुलाई एक औपचारिक कार्यक्रम नै गराएर यात्रा र अभियानको सफलताको शुभकामना दिइएको थियो । यस्तै अभियानले समाजमा परिवर्तन ल्याउने भन्दै राजदूत रायले उनीहरुलाई हौसला बढाउने काम गरेका थिए । उनीहरुको यात्राले यस क्षेत्रको जनस्तरको सम्वन्धलाई पनि माथि उठाउने बताइएको छ । साहसिक महिलाहरुको यो कार्यले निकै ठूलो उत्साह यसमा मिलेको पनि बताइएको छ ।